Folketingi

Kalaallit Nunaat pillugu ataatsimiititaliami siulittaasup tulliatut Aleqa ingerlaqqippoq

Ataatsimiititaliami sulinermut tunngatillugu politikerip attaviitsunngornera sunniuteqassanngilaq

Folketingsmedlem Aleqa Hammond
Aleqa Hammond

Folketingip Kalaallit Nunaat pillugu ataatsimiitaliaanut Aleqa Hammond suli siulittaasup tullerissavaa - naak aamma Siumumit anisitaanermi kingorna attaviitsuugaluarluni.

Folketingimi kreditkorteritinneqartoq atornerloreeralu partiip anisippaa, tassanilu sinniisumik taarserneqarumanani Folketingimut ilaasortatut tunuarumanngilaq.

Atuaruk: Aleqa Hammond: Peqquserlunniarsarinngilanga

Atuaruk: Aleqa Hammond Siumumit peersitaavoq

Ilaasortaajunnaarsitsinerup kingorna Socialdemokraatit ilisimatitsissutigigaluarpaat, Aleqa Hammond aamma Socialdemokraatit Folketingimi gruppiannit peerneqartoq.

Atuaruk: Socialdemokraatit aamma Aleqa Hammond suleqatigiunnaarpaat

Atuaruk: Siumumi tunuliaquttat: Aleqa tunuarit

Kisianni tamatuma kingorna politikeri ilisimatitsivoq, Kalaallit Nunaat pillugu ataatsimiititaliami siulittaasup tulliatut Socialdemokraatit issiavianni ingerlaqqilluni - partii isumaqatigiissuteqarfiginerata kingorna.

Taaseqatigiittarnissamik isumaqatigiissut
Illuatungeriit tamatuma saniatigut, kalaallip attaviitsup Socialdemokraatinik taaseqateqartarnissamik isumaqatigiissut attatiinnaraa.

Taakku saniatigut Aleqa Hammondip Nunani Avannarlerni Siunnersuisooqatigiinni sinniisuuffini aammalu Issittoq pillugu suleqatigiissitami inissisimaffigisani tigummiinnartussanngorpai.

Ataatsimiititaliamit anisoq
Illuanik Aleqa Hammondip inatsisit pillugit ataatsimiititaliami, nunanut allanut ataatsimiititaliami aammalu illersornissamut ataatsimiititaliani issiavini annaavai, kisianni Nunarput pillugu oqaluuserisassaqartillugu Socialdemokratit issiavissaat atorsinnaasuaannartussanngorlugu Socialdemokratillu isumaqatigiissuteqarpoq.

Folketingi ataatsimeeqatigereerlugit erseqqissarneqarpoq Aleqa Hammondip inersuarmi oqallinnermi partiitut allatuulli piffissap oqalussinnaatitaanini tigummiinnassagaa.

Atuaruk: Aleqap missingersuutit affai sinnerlugit annaavai

Sulinissamut tunngavissaqarluartoq
- Isumaqatigiinninniareerlunga attaviitsutut Folketingimi sulinissanni inissisimaffissara sunniuteqarluarnissamut tunngaviliisoq nuannaarutigeqaara. Nunatta naalagaaffinngoriartornissaanut sulinera erseqqissumik ingerlateqqissavara maannamullu inissisimaffiup killiffia iluarisimaaqaara, tusagassiuutinut nalunaarummi oqarpoq.

Atuaruk: Folketingimi siulittaasup Aleqa isornartorsiorpaa

Powered by Labrador CMS