Skip to main content

Kalaallit Nunaat hipsterinoorpoq

Inuusuttut mutit 2017-inimi Kalaallit Nunaat aqqusaartariaqarpaat, National Geographic taama isumaqarpoq

Been there, done that, sumiiffimmut pilerinartumut imaluunniit immikkuullarissumik iliuuseqarluni naammassisaqarsimagaanni tuluttut oqariartaaseq taanna oqaatigineqartarpoq.

Inuusuttunut inuiannut tamanut attaveqarniartut, mutiussagunik Kalaallit Nunaat 2017-imi allattugaatiminnut ilannguttariaqarpaat. National Geographic, 2017-imi sumiiffiit pilerinartut allattorsimaffiinik (The cool list) saqqummiusseqqammertoq taama isumaqarpoq.

- Nunarsuarmi qeqertat annersaat, angalatitsiviit amerliartuinnartut 2017-imi angalanermut pilersaarutiminnut Kalaallit Nunaat ilannguttalermassuk takornariarfiujartuinnarpoq, National Geographic Nunarput pillugu allappoq.

Atuagassiaq Ilulissat Kangiani sermimi assi saqqummersillugu, Kalaallit Nunaat sumiiffinni innersuussani sooq taama allattukkani qaffasitsigisumi inissisimanersoq nassuiaavoq.

- Kalaallit Nunaat sermimik qalligaallunilu annersaa inoqarfiunngilaq, taamaattumillu ornitassat nuannerluinnartut ilagaat. Qimussernermik, qamuteralannik aamma apusiutinik nuannarisallit umiatsimik ilulissat akornisigut angalaarnernik ilaartorsinnaavaat, inuit kulturiat misigalugu aamma arsarnerit takunissaanut periarfissat pitsaanerpaat ilaat nassaassaapput.

Atuaruk: Kalaallit takornariaqarnerannut nersornaat

Allattorsimaffimmi Donegal siullersaalluni allassimavoq, sumiiffik Irlandimi tupinnarluinnartumik pinngortitaqartoq, tassani Star Wars Episode VIII immiunneqarpoq. Tulliattut pingajuattullu illoqarfiit Santiago Chilemiittoq aamma Finlandimiittoq Helsinki inissisimapput.

Nunarpullu allattorsimaffimmi taakku tulleraat, angalffissat Canadamiittut, USA-mi aamma Indiamiittunit salliutinneqarluni.

Allattorsimaffik uani takuuk: The Cool List 2017

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER