Kalaallit Nunaat coronaviruseqartueruteqqippoq
Nunatsinni Nakorsaaneqarfik naapertorlugu tunillatsissimasut kingulliit marluk peqqissisimapput.
Inuk ataaseq Nunatsinnut tikeqqammersoq oktobarip arfineq-aappaani misissorteqqikami coronavirusimik tunillatsissimasoq paasineqarpoq.
Aqanguani alla aamma tunillatsissimasoq paasineqarpoq, taanna coronavirusimik tunillatsissimasumut qanigisaasuuvoq.
Taakku marluullutik peqqisseqqissimasut, Nunatsinni Nakorsaaneqarfik nittartakkamini nun.gl-imi ilisimatitsivoq.
Nunatsinni inuit 16-it tunillatsissimapput tamarmillu peqqisseqqereerlutik. Inuit katillutik 10.073-it coronavirusimut misissortissimapput.