Skip to main content

Kalaallit Nunaat ajugaaqqippoq

Tamannali sukataaqqaarfiuvoq, Kalaallit Nunaat naggataatigut Islandimiut nunanut allanut unammisartuinut U18-inut ajugaapput

Kalaallit Nunaata Islandimi unamminerisa aappassaat Reykjavikimi ingerlanneqarpoq. Islandermiut inuusuttortaasa unammisartui pisinnaasartik tamaat sukataarput.

Unamminerup naalernerani najukkami unammisut ajugaanissaat ilimanarsigaluttuinnarpoq. Kisianni kalaallit unammisartuisa tamanna allaanerutikkusuppaat. Minutsini kingullerni Kalaallit Nunaata unammineq mumippaa, målimillu ataatsimik 25-26-mik ajugaapput, muminnermi 13-13-ereerlutik.

Ajugaanissamut piumassuseq
Nunanut allanut unammisartut sungiusaasuat Niels Mølleri, ulluni marlunni tulleriinni ajugaatitsivoq.

- Ullumi unamminermi illersuinermi pitsanngoriartorneq ingammik maluginiarpara, minnerunngitsumillu unammisartut ajugaarusussusaat, Niels Møller oqarpoq.

Unamminerit pingaarutillit
Minik Dahl Høegh aamma Frank Mikkelsen sipaarneqarlutik unammeqataanngillat. Nunanut allanut unammisartut sungiusaasuata GOG-mi sungiusaasoq Jakob Larsen Islandiliartoqannginnerani isumaqatigiipput, unammisartut GOG-meersut sipaarneqalaassasut, assoroorpallaalinnginnissaat anguniarlugu, taakku pingaarutilerujussuarmik qallunaat pissartanngorniunneranni peqataassagamik.

Kalaallit målertut:

  • Akutaaneq Kreutzmann, 6 mål
  • Nuka Heilmann, 5 mål
  • Lars Ole Lyberth, 4 mål
  • Aqqalu Ingemann, 4 mål
  • Danny Brandt, 4 mål
  • Nuuno Lars Olsen, 1 mål
  • Miki Duko Sørensen, 1 mål

Unammineq kingulleq
Kalaallit Nunaat sapaammi naggataamik Islandimi sungiusarluni unammiarnermi unammissaaq. Islandip U20-ini unammisartui tallimanngormat 23- 25-mik  ajorsareerlutik ajugaaniarsarissapput.

Unamminerup kingorna unammisartut Københavnimut aallassapput.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER