Kalaallit Nunaannut nassiussat amerleriarujussuarsimasut
Pisiniarfiit kaaviiaartitaqarnerulersimapput aamma Kalaallit Nunaannut nassiussat amerleriarujussuarsimapput, tamanna 2020-mut kvartalikkaartumik kisitsisitigut paasissutissani takuneqarsinnaavoq.
Aningaasaqarnerup ineriartornera coronap nunarsuarmi tuniluunneranit sunnerneqarsimanngilaq, tamanna Naatsorsueqqissaartarfiup kisitsisaataani nutaani takuneqarsinnaavoq.
Kalaallit Nunaannut nassiunneqarsimasut 2020-mi kvartalit sisamaanni, 2019-imi piffissamut pineqartumut sanilliullugu 14,5 procentimik amerleriarsimapput.
Amerleriangaatsiarsimasut
Kvartalip sisamaani Kalaallit Nunaannut nassiussat 14,5-imik amerlisimaneranni kvartalip pingajuannut sanilliullugu 10 procentimik annertunerupput, tassa 2019-imi piffissamut pineqartumut sanilliullugu.
Akerlianik Kalaallit Nunaannit nassiussat kvartalip sisamaani 4 procentimik amerleriarsimapput, tassa 2019-imut sanilliutissagaanni kvartalip pingajuannit 5,7 procentimik annikinnerusut.
Pisiniarfiit kaaviiaartitaqarnerulersimasut
Pisiniarfiit aamma ulapinnerulersimapput, tamanna kisitsisitigut paasissutissani takuneqarsinnaavoq. Pisiniarfiit kaaviiaartitaat kvartalip sisamaani 5,5 pocentimik qaffassimapput, kvartalip siulianut sanilliullugu to procentimik qaffassimallutik.
Aningaaseriviit 2020-p kvartaliani kingullermi 10,3 procentimik uninngasuuteqarnerulersimapput, tassa 6.985 millioner koruunit nalingannik. Aningaaseriviilli taarsigassarsisitaat annikillerialaarsimapput, 2019-imi kvartalip sisamaannut sanilliugllu fire procentimik annertunerulaarlutik.