Skip to main content

Kalaallit Nunaannut attuumassutilimmik ukiut 60-it matuma siorna ajunaarnersuaqarsimanera Københavnimi malunnartinniarneqarpoq

Puttaqut M/S Hans Hedtoftimiissimasoq, Holmens Kirkemi saqqummersinneqarpoq, Hans Hedtoft umiummat inuit 95-it ajunaarput.

Qaammat una, ukiut 60-nngorput Kalaallit Nunaat Danmarkilu ajunaarnermik eqqorneqarmat: Umiarsuaq ilaasartaat nutaaliaq sikusiullaqqissorlu, M/S Hans Hedtoft Qaqortup kujataaniitsilluni anorersuarnerata nalaani ajunaalernermik kalerrisaarivoq. Siullerpaamik angalaqqaarnermini iluliaq aporsimavaa immakkiartulersimallunilu. Akunnerit sisamat ingerlaneranni umiarsuaq 95-inik ilaasoqartoq, inuttat ilaasullu, kivivoq. Periarfeerulluni.

Umiarsuup annanniutigisimasaa puttaqut Islandip sineriaani qaammatit arfineq-pingasut qaangiuttut nassaarineqarpoq. Allanik imaanit qaqitaqartoqanngilaq. Puttaqut Qaqortup oqaluffiani kingorna nivingatinneqalerpoq, maannali Københavnimi Holmens Kirkemi saqqummersinneqarluni.

Narsap katersugaasiviani saqqummersitsineq

Umiunermit ukiut 60-nngornerat pillugu oqaluffimmi saqqummersitsineq pingasunngornermi ammarneqarpoq. Puttaqutip saniatigut allagartarsuit umiunermut tunngasunik oqaluttuassartallit aqqaneq-marluk Narsap katersugaasiviani nivingasimasut aamma saqqummersinneqarput, danskillu aviisiinik ulluni pisoqarfiusuni nutaarsiassat pillugit aamma qupperaasoqarsinnaalluni.

Godt 100 – heraf mange efterladte og efterkommere – hørte onsdag journalisterne Lars Halskov og Morten Halskov (tv) berette om deres research til bogen ’Skibet der forsvandt’.
Søren Rasmussen/Pegasus Press

Saqqummersitsineq pingasunngormat ammaanersiorneqarmat takkuttut 100-t missaanniipput, taakkununnga ilaallutik ajunaarsimasut 95-it ilaqutaat. Saqqummersitsineq ’Pårørendegruppen efter Hans Hedtofts forlis 1959’ (Hans Hedtoftip 1959-imi umiuneranit ilaqutaasut gruppiat, aaqq.) Holmens Kirkemi palasi, Ejgil Bank Olesen, suleqatigalugu aaqqissuunneqarpoq. Avaat tussiarput, ajunaartullu ilaqutaasa gruppiannit Sandra Vinding palasi naatsumik oqalugiarlutik.

Maqaasineq kanngusunnerlu

Tusagassiortut Lars aamma Morten Halskov, M/S Hans Hedtoftip umiunera pillugu atuakkamik ”Skibet der forsvandt” atuakkiortuusut, saqqummersitsisoqalerneranut atatillugu suliaminni misissuisimanertik, ilaqutaasut maqaasisimanerannik, akisussaaffimmik tiguserusuttoqarsimannginneranik ilaqutaasullu kanngusutsitaasimanerannik oqaluttuarput. Grønlandsfonden, umiusoqareernerata kingorna danskit naalakkersuisuisa pilersissimasaat, qimagaasut tapersersussallugit neriorsuuteqarsimagaluarpoq, eqquutsitsinanili. Ajunaartut ilaqutaasa affaat ataallugit aningaasaateqarfimmit annikittuinnarmik tapersersorneqarsimapput, qinnuteqartullu allaffimmiut pisortaannit sukumiisumik misissuiffigineqartarsimallutik. Milliuunilikkaat pingajorarterutaat marluk, aningaasaateqarfiup 2005-imi atorunnaarsinneqarnissaata tungaanut, ilaqutaasunut atorneqaratik allarpassuarnut atorneqarput.

Godt 100 – heraf mange efterladte og efterkommere – hørte onsdag journalisterne Lars Halskov og Morten Halskov (tv) berette om deres research til bogen ’Skibet der forsvandt’.
Søren Rasmussen/Pegasus Press

- Umiarsuaq kivimmat, tamanna umiartornermi navianartuuvoq akueriniagassaq, umiusoqareerneranili – pingaartumik Grønlandsfondenip aningaasaatiminik qanoq aqutsisimanera pillugu – pissutsit akueriinnarsinnaanngilagut. Pingaartumik kalaallit qimagaasut qallunaanit qimagaasunit annikinneerarsuarmik tunineqarmata – imaappoq Grønlandsfondenimiit Kalaallit Nunaat ikiorserneqarpianngilaq, Narsap Katersugaasiviani pisortaq, Jesper Stormly Enevoldsen, ilassinnissutitut nalunaaruteqarpoq.

Eqqaaniaalluni januaarip 30-ani naalagiartoqassaaq

Holmens Kirkep M/S Hans Hedtoftip puttaqutaataa annanniut, Qaqortup oqaluffianit atorsimasani paarilluarpaa, taannalu Københavnimi qaammatip naanissaata tungaanut alakkarneqarsinnaavoq. Saqqummersitsinerup ammanerata nalaani puttaqut Marineforeningimit paarsisunit paarineqarpoq.

M/S Hans Hedtoftip Københavnimiit siullermeerluni umiartorluni aallarneranit ataasinngormat ukiut 60-nngorput. Umiunermit ukiut 60-nngornerat malunnartinniarlugu Holmens Kirkemi pingasunngornermi januaarip 30-ani eqqaaniaalluni naalagiartitsisoqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER