Kalaallit Nunaanniit konsuuli nutaaq
Kalaallit Nunaanni peroriartornikoq Navarana Beveridge Nunavimmi maannakkut konsuulitut atorfinippoq, naalagaaffiit oqaasissaqartitaminnut naalagaaffinni allani aallartitaqarfiat Canadami nalunaarput.
Dronning Margrethep inuit qulit konsuulitut atorfinitsippai, tamarmik Naalagaaffimmi innuttaasut qallunaallu Canadamiittut nakkutigilissavaat. Navarana Beveridge Nunavummi atorfinitsinneqarpoq.
Kalaallit Nunaannut nalunngisaqarluartumik toqqaaneq pingaaruteqarpoq.
Navarana Beveridge Kalaallit Nunaani peroriartornikuuvoq, Nunavumi konsulitut atorfinitsinneqarnini nuannaarutigaa. Ukiut 22-it Nunavummi najugaqareerpoq. Kalaallisut, danskisut, tuluttut inuktitullu oqaluttarpoq, Inuit organisationimi management social politikkilu sulissutiginikuullugit.
Naalagaaffeqatigiinni innuttaasut ikiortussaavai
Nunavummi Konsuulitut Navarana Beveridge danskit sinnerlugit soqutigisaallu pillugit sulissaaq.
- Atorfinitsitaanera tulluuusimaarutigaara, innuttaasut ikiornissai qilanaaraara, suleqatigiinnerlu Kalaallit Nunaat aamma Nunavut akornanni annerusumik sammineqarnissaaq, Navarana Beveridge oqarpoq.
Sanileq qaninnerpaaq. Kalaallit Nunaat Canadalu taamaallaat 26 kilometerimik avissaaqqapput, 3000 kilometerimillu immakkut killeqarfik ataatsimoorussarlugu.
- Nunat Issittut Avannarliit oqaluttuassarlu ataatsimoorussaq soqutigisallu ineriartornermut assigiittut, imminut napatinnissaq, nunarpullu pinngortitaa ataqqillugit suliniutit ineriartornissaannut tamatta suleqatigiinnerput ingerlatinniarlugu suliniarluta anguniarparput.