Kalaallit Nunaanni uuliasiornermut eqqaaniut
Kalaallit Nunaat nunarsuarmi nunat akornanni uuliasiornermut aningaasanik atuinerpaaffiusimavoq, taamaattorli nioqqutissiornermik aallartitsisoqarnani.
Flemming Getreuer Christiansen inuunini tamakkerlugu Kalaallit Nunaanni nunap illanut attuumassuteqarsimavoq.
Aviisi AG taama allappoq.
Maannakkut allaaserisimavaa taallugu »Kalaallit Nunaanni uuliasiornermut eqqaaniut« atuagassiami saqqummersinneqartartumi nersugaasumi Resource Policy saqqummersillugu.
- Suli manna tikillugu Kalaallit Nunaata eqqaani uuliamik aamma gasimik annertuumik ilimanaateqartoqaraluarpoq, oqarpoq nangillunilu:
– Kisianni pissutsit allanngortarput. Uuliami qalluineq politikimi tulluarunnaarsimavoq minguitsumik oqaluuserinninnermut tunngatillugu, tamatumunngalu ilutigitillugu uuliamik suliaqarfiit assigiinngitsunik patsiseqarlutik Kalaallit Nunaannik soqutiginnikkunnaarsimapput.
Ingerlatsiviit koruunit 13-14 milliardit atoreerpaat qillerinernut aamma nunap sannaanik misissuinerminnut ilaatigut sajuppillatsitseqattaarneq atorlugu, qimagunnissamik tungaannut aammalu uuliamik qalluinissarsuaq nipaatsumik toquvoq.
- Imaassinnaavoq aningaasat taamak amerlatigisut nunarsuarmi sumiluunniit aningaasaliissutigineqarsimapput, tamatuma kingornatigut nioqqutissiornermik aallartitsisoqarnani, Christiansen oqarpoq, taanna geologiuvoq aamma suliffeqarfimmik siunnersuisartumik nammineq pilersitseqqammerluni, flemmingG.C.
Sooq uuliamik qalluinissarsuup pinngitsoorneranut suna pissutaanersoq, paasiniarsimavaa siornatigut suliffeqarfinni uuliasiorfinni aamma oqartussaasuni sulisuusimasut, pisortaasimasut aamma siulersuisuni ilaasortaasimasut amerlasuut tatigeqatigiinneq tunngavigalugu.
- Soqutiginninneq annertusilluarpoq piffissami 2010-2014-imut tamatuma kingornatigut suna tamarmi unittutut ippoq. Ingerlatsiviit siuleriiaarlutik Kalaallit Nunaannit aniniupput, oqarpoq.
Aviisimi AG-mi atuarnerusinnaavutit. Aviisi uani pissarsiariuk: