misissuineq
Kalaallit Nunaanni timersortarneq pillugu misissuisoqalerpoq
Timersortartu Kattuffiat aatsaat taamak annertutigisumik misissuisitsilerpoq, inuillu amerlasuut peqataanissaat kattuffimmit neriuutigineqarpoq
Kalaallit nunarput nunaavoq timersornermik ingerlatsiffiulluartoq soqutinniffiullurtorlu. Kisianni qassinukua timersornermik ingerlataqartartut, aammalu timersuuttit sorliit soqutigineqarneruppat?
Kalaallit Nunaaani Timersoqatigiit Kattuffiat misissuisitsineq annertooq atorlugu sinaakkutissanik, unammillernartunik atugassarititaasunillu timersornermut nunarput tamaat isigalugu ingerlatsiniarpoq.
Taamaatumik nunatsinni inuit 2500-t allakkannik nassiussuiffigineqarput, nunatta sineriaa tamakkerlugu, timersuuttit assigiinngitsunik sammivillit eqqarsaatigalugit immersugassamik akissuteqarfineqartussanik nassiussuiffigineqarput.
Paasissutissat
Pingaaruteqartorujussuuvoq sapinngisamik amerlannerpaat akissuteqarnissaat pisortaaneq Carsten Olsen erseqqissaavoq.
- Aatsaat taamak annertutigisumik misissuisitsinialerpugut, taamaattumik neriutigeqaarput amerlasuut peqataalluarnissaat. Pingaartilluinnarparput aamma timersuumik ingerlataqanngitsut akissuteqartarnissaat tamarmik peqataaniassammata. Taamaalilluta ersarissumik tunngaveqarluta oqallinnerit siunissami timersorneq pillugu aammalu anguniagassat ersarississammata, Carsten Olsen oqaaseqarpoq.
Ukiaru naammassineqassaaq
Kalaallit Nunaani Timersoqatigiit Kattuffiat suleqatigiinissamik isumaqatigiissuteqarsimavoq timersorneq pillugu misissueqqissaartartunik, taakulu misissuineq tamaat ingerlatissavaat akissutigineqartullu tunngavigalugit nalilersuissallutik.
Timersorneq pillugu misissuisrtut aamma misissuiffigivaat atuartut aammalu peqatigiiffinni siuttut, aammalu unammersuarnerit malinnaaffigisimallugit, atortut aaamma timersornermi ilisimasallit, unammillernartullu sinerissatsinniittut.
Misissuineq naamassippat rapportiliortoqassaaq, ukiamullu kikkunnik tamanik takuneqarsinnaalissalluni. Elektroniskikkut saqqummissaaq kalaallisut qallunaatullu, kikkulluunniit soqutiginnitttut akeqanngitsumik aasinnaalissavaat atuarlugulu.