Skip to main content

Kalaallit Nunaanni silaannaap issinnera Danmarkimukariartuaartoq

Nunatta kitaata kujataani sapaatit akunneri kingulliit aqqanillit issippoq. Kisianni issippiarunnaariartulissaaq kiatsinnerulaassallunilu

Sila ukiortaamili issittorujussuuvoq. 

Nalinginnaasumit issinneruvoq. Nuuk ukiuni kingullerni 50-ni aatsaat taama issitsigaaq, aputeqangaatsiarlunilu. 

Nuummi agguaqatigiisillugu -10,7-nik issippoq, nalinginnaasumit 3,3-mik issinnerulluni januaarimi. Februaari suli issinneruvoq, agguaqatigiisillugu -11,6-nik issippoq, nalinginnaasumit 3,8-nik issinnerulluni. Marsi aamma issittupilussuuvoq, agguaqatigiisillugumi -15,0-nik isseqarpoq, nalinginnaasumik -8-saraluarluni.

Sila issippiarunnaassaaq
Issiiminerusussanngorporli. 

Ilimasaarisoqarpormi tallimanngorpat isseqarnanilu kiaqassanngitsoq, avannaanili suli issikkallassaaq. 

Kisianni sapaatip akunnerata tulliani aamma isseqqilissaaq. 

Danmarki nillertissaaq
Kalaallit Nunaata kitaata kujataata issiiminerusussaanerata pissutigisaanik Skandinavia nillertinnerussaaq. 

Danmarkimi nittangertanngikkuni siallilissaaq arfininngorpat. 

Arfininngorpat sila atoruminarpallaassanngilaq, anorlissaaq qiianassallunilu. 

Sapaatip akunnerata tulliani sila pitsaanerulissaaq.

Dmi.dk suleqatigalugu allaaserineqartoq Sermitsiaq.AG-mi saqqummiunneqarpoq. Allaaserinnittuuvoq Thyge Rasmussen marsip 17-anilu saqqummiunneqarluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER