Aarhus
Kalaallit Nunaanni sikkilit siullersaat
Isumassarsiaq niuernermi pilersaarusianngoriasaarpoq, sapaatip-akunneratalu siuliani sikkili innaallagiamik ingerlatilik Aarhusimi nittarsaassinermi saqqummiunneqarpoq.
Mikkel Bentsenip Nuummi namminerisaminik sanasutut suliffeqarfiutini ingerlallugu ullut ilaanni isumassarseriasaarpoq: Soormi Issittumi sikkilimik avatangiisinut naleqquttuullunilu illoqarfiup iluani ajornanngikannersumik angallassissutigisinnaasannik ineriartortitsiguma?
Pilersaarusianngortoq
Isumassarsiaq niuernermi pilersaarusianngortinneqarpoq aamma inuit marlussuit allat isumassarsiaminut peqataatilerpai sapaatillu akunnerata siuliani maannakkumuugallartoq ilungersuutigisami angusartaa Aarhusimi kalaallit nittarsaassiutigalutik tuniniaaneranni saqqummiussinnaanngorpaa.
AG-mit aallartitap qajannaatsumik ilusilersugaq assakaasuisalu silissusiat allaanngitsut »Bjergkøbing Grandprix«-imeersuunerarlugit oqarmat Mikkel Bentsen qungujorujussuarpoq.
- Europami illoqarfiit ilaanni soorunami nunaannarmiorpalaartorujussuussaaq. Kisianni Kalaallit Nunaanni pissutsinut naleqqulluinnarpoq, Mikkel Bentsen uppernarsaavoq.
Batteeritortumik motoorillit
Qujanartumik motoorinnguata kisimi sikkilit siumut ingerlatinneq ajorpai. Nissuit nukii motoorinnguamit batteriitortumit taperneqarsinnaapput. Taava sivingajaakkut qummut apusinerillu portuallaanngitsut aqqutigilluarsinnaavai.
Sikkililiortup apersorneqarnera aamma Aarhusimi nittarsaassineq pillugu aviisimi AG-mi atuakkit, taanna uani ataani digitaliusumik akiliillutik atuarsinnaavat: