Kalaallit Nunaanni Qatserisartut Peqatigiiffiat arfininngormat ataatsimeersuarpoq
Kalaallit Nunaanni Qatserisartut Peqatigiiffiat Qaqortumi Sulisartut Højskoliani arfininngormat ataatsimeersuarpoq
Annonse
Peqatigiiffik 2010-mi aallartinneqartoq siullerpaamik naapeqatigiittoqarpoq.
Qatserisartut nunarput tamakkerlugu 800-rujuusut Namminersorlutik Oqartussanut akissarsiatigut isumaqatigiissuteqartalernissaq SIK suleqatigalugu anguniarneqartalissasoq aalajangiunnearpoq.
Siulersusunngortut anguniagassinneqarput SIK-p ataani klubbitut inissinnissaq sulissutigineqassasoq.
Qatserisartut nunarput tamakkerlugu nutaanik siulersunik qinersipput, tamarmiullutillu anguniagassipput qatserisartoqatit 800-rujuusut suleqatigiilluinnarlugit akissarsiatigut suliffeqarnikkut aamma pitsaasunik atugassaqartitaanissaq SIK suleqatigineqaratigut anguniarneqassasoq.
Siulersuisunut qinigaasut ukuupput:
- Siulittaasoq: Poul Olsen, Sisimiut
- Siulittaasup tullia: Erne Olsen, Sisimiut
- Aningaaserisoq: Jens Karl Enoksen, Sisimiut
- Allatsi: John Egede, Ilulissat
- Siulersuisunut ilaasortat:
- Jørgen Qujaukitsoq, Qaanaaq,
- Qajorannguaq Nielsen, Qaanaaq
- Jakob Broberg-Olsen, Qasigiannguit
- Sinniisussat
- Jensinnguaq Tellesen, Qasigiannguit
- Nikolaj Thomassen, Qeqertarsuaq