Skip to main content

Kalaallit Nunaanni Politiit suliaq taamaatikkaat: Aalisartitseqatigiiffik pineqaatissinneqassanngilaq

Kalaallit Nunaanni Politiit Arctic Prime Fisheriesimik aalisakkanik pisaqarpallaarsimaneq pillugu suliassanngortitsinertik taamaatiinnarpaat. Unnerluussisuunerup ajuusaarutigaa, suliamik ingerlatsisoqarnerani kukkusoqarsimagunarnera, inatsisitigut kinguneqartitsisinnaaneq pisoqalisimammat.

Arctic Prime Fisheries aalisakkanik pisaqarpallaarsimanermut unnerluunneqartussajunnaarpoq. Aalisartitseqatigiiffimmut saarullinnik suluppaakkanillu pisaqarpallaarsimaneq pillugu pasilliut taamaatiinnarneqartoq, Kalaallit Nunaanni Politiit nassuerutigaat.

Aviisi Sermitsiaq taama allappoq.

Kilisaat Ilivileq 2021-p aallartinnerani Tunumi aalisakkanik pisaqarpallaarsimareersorlu Arctic Prime Fisheries taamaalilluni pinerluttulerinermi inatsisitigut kinguneqartitsivigineqanngitsoorlunilu pineqaatissinneqanngitsoortussanngorpoq.

Politiit suliamut atatillugu kukkusoqarsimaguneranik nassuerutiginnipput.

- Kalaallit Nunaanni Politiit piffissap ingerlanerani siusinnerusukkut suliami pisoqalisoorsinnaanermut piffissaliussamik unitsitsisimannginnerat ajuusaarnartorujussuuvoq, taamaalilluta maanna inissisimaffigisarput pinerluttulerinermi inatsisitigut akisussaatitsisinnaanerup pisoqaliffigisimasaa pinngitsoorsimassagaluaratsigu. Tamanna pissuteqarsimagunarpoq, Kalaallit Nunaanni Politiit kukkusumik isumaqarsimammata, pasilliut aalisartitseqatigiiffimmut februaarimi 2022-mi saqqummiunneqartoq pisoqalinissamut piffissaliussap unitsinnissaanut naammattumik tunngavissaasoq. Kalaallit Nunaanni Politiit suliaq tunngavigalugu assingusumik pisoqaqqissinnaanera pinngitsoorniarlugu suliniutinik pilersitsisimapput, unnerluussisoq Claes Vestergaard allagaqarluni oqaaseqarpoq.

Aviisimi Sermitsiami atuarnerusinnaavutit. Aviisi uani pissarsiariuk:

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER