pisortanngortoq
Kalaallit Nunaanni Politiit nutaamik qullersartaarput
Kalaallit Nunaanni Politiit pisortartaarput, taannalu politiitut inatsisilerituutullu ilinniarsimavoq, politiinilu ukiuni 20-ni sulisimalluni
Oktobarp aallaqqaataani Lars Kirkegard Kalaallit Nunaanni Politiini qullersanngorpoq.
Tusagassiorfinnut nalunaarutikkut taamatut paasissutissiivoq plitimesteri Bjørn Tegner Bay.
– Lars Kirkegaard politiitut inatsisilerituutullu ilinniagaqarsimavoq, ukiunilu 20-ni politiini unnerluussisussaatitaasutullu sulisimanerminit misilittagaqarluni, aamma pingaartumik Politiets Efterretningstjenestemi sumiiffinnilu assigiinngitsuni unnerluussisussaasutut sulisimanerminit, Bjøn Tegner Bay allappoq.
– Larsi aamma arlaleriarluni Kalaallit Nunaanni sulisarsimavoq, politiitut aammalu Politimestereqarfimmi unnerluussisussaatitaasutut. Kalaallit Nunaannilu inuussutissarsiortuni pisortatut atorfeqaqqammerpoq, politimesteri allappoq.
Ilinniagaqartitsineq annertuumik qaffallugu
Kalaallit Nunaanni Politimesteri naapertorlugu politiit qullersartaat ingerlatsivimmut pivoq, ilaatigut upalungaarsimanermut aqutsisutullu ilinniagaqartitsineq annertuumik qaffassarniarlugit.
– Larsi pisortatut misilittagaqarpoq, atorfinitsinneranilu pingaartumik isiginiarsimavakka politeeqarfiup periutsinut sulinerata nukittorsarnissaa qullersatullu ingerlatsinerup ineriartorteqqinnissaa, taassmalu aamma Kalaallit Nunaanni Politiit suli suliaminnut pitsaanerulernissaannut, ingerlatsilluarnerulernissaannut suliffittullu pilerinarnerulernissaanut alloriartitseqataassaaq, politimesteri Bjørn Tegner Bay oqarpoq.