Kalaallit Nunaanni pinerlunniaqatigiit peqqarniitsut
Hasheerniat ikiortaallu ilisimannittutut sassarnissamut qunulernermik pilersitsisarsimagunarput. Inatsisissamik nutaamik siunnersuuteqarnikkut ilisimannittut pitsaanerusunik illersorneqarsinnaalissapput.
Pinerlunnernik sakkortuunik ilisimannittut inatsimmi nutaamik siunnersuuteqarnikkut ullumikkorniit pitsaanerusunik illersorneqartariaqarput.
Aviisi AG taama allaaserisaqarpoq.
Kalaallit Nunaanni pinerluttulerinermik inatsit ullumikkut aalajangersakkanik imaqanngilaq ilisimannittunut sioorasaarinermut tunngasunik.
Inatsisissatut siunnersutip nutaap Danmarkimi naalakkersuisunit saqqummiunneqartup kingornalu Inatsisartuni suliarineqartussap allanngortissavaa.
Ilaatigut taamatut siunnersuusiortoqarpoq Kalaallit Nunaanni Eqqartuussiveqarneq pillugu Siunnersuisoqatigiinnit aarlerinartumik nalunaartoqarnerata kingornagut, soorlu tamanna inatsisissap oqaaseqaataanni allassimasoq.
- Kalaallit Nunaanni ikiaroornartunik suliaqartut akornanni nalinginnaasumik peqqarniinnerusoqalersimavoq pinerlunniaqatigiit pinerlunniartarnerannut assersuunneqarsinnaasumik, allassimavoq.
Inatsisissatut siunnersuut pillugu AG-mi atuarnerusinnaavutit, aviisi nutaaq uani ataani pissarsiarisinnaavat: