Kalaallit Nunaanni paasiniaasartuni pikkorinnerpaaq
Kalaallit namminerisaminnik paasiniaasartorsuaqarput. Sika Haslundimik ateqarpoq, arnarlu attaveqarnermut siunnersorti alapernaatsoq tamatigut pinerlunnikkut paasiuminaatsunut akuliuttuaannartoq pillugu pinerluttulikkersaarutit sisamassaat naqinneqartussanngorpoq.
Inuttaatitaq Sika Haslund 2006-imi atuakkiornermut pikkorissarnermi pinngorpoq. Piffissap sivikitsuararsuup iluani pikkorissartut inuttaatitassaminnik isertuussalimmik nassaartussaapput, Sika Haslundilu tamatigut Nina von Staffeldtip niaquani saqqummertuarpoq.
– Minutsialuinnaat iluanni Sika inissippara. Aappalaartunik kamippaqarpoq taamanikkumiillu immikkuullarilaartuaannarpoq, immaqa inuit ilaannut matoqqalaartutut misinnarsinnaasarluni, Nina oqaluttuarpoq allaanani ikinngutitoqqani oqaluuseralugu – immaqami aamma taamaappoq.
Taamanikkut Nina ilinniartitaanerup iluani siunnersortaavoq, ilisimanngilluinnarpaalu ukiut arfineq marluk qaangiuppata nammineq tamakkiisumik atuakkiortunngussalluni. Tamatigut arlaatigut pilersitserusuttuaannarsimavoq, titartaanermillu, ammerinermik, mersornermik allarpassuarnillu pikkorissareerluni allannermut pikkorissarnermut ilannguppoq – imatut anguniagartoorsuunani. Allannermik pikkorissareernerata kingornagut Sika Haslund allaffiata amusartuaniissimavoq, Ninamit nassaarineqarnissami tungaanut.
Nina von Staffeldt pillugu allaaserisaq Arnanut-mi nutaami atuarsinnaavat.