Kalaallit Nunaanni orpiit pillugit saqqummersitsineq illoqarfinnut allanut ingerlaartinneqassaaq

Kalaallit Nunaanni orpiit pillugit saqqummersitsineq Qaqortup Katersugaasiviani ammarneqarpoq. Pilersaarutaavoq saqqummersitsineq Kalaallit Nunaanni katersugaasivinnut ingerlaartinneqassasoq.

ORPIK - udstilling om træer i Grønland i Qaqortoq museum. - Finn Larsen
ORPIK - udstilling om træer i Grønland i Qaqortoq museum. - Finn Larsen
ORPIK - udstilling om træer i Grønland i Qaqortoq museum. - Finn Larsen
ORPIK - udstilling om træer i Grønland i Qaqortoq museum. - Finn Larsen
ORPIK - udstilling om træer i Grønland i Qaqortoq museum. - Finn Larsen
ORPIK - udstilling om træer i Grønland i Qaqortoq museum. - Finn Larsen

Assiliisartup Finn Larsenip Kalaallit Nunaanni orpiit pillugit assiutini takutikkaagangit upperinninngittoqartarlunilu tupaallattoqartarpoq.

Kalaallit Nunaanni opriit pillugit assiutini maanna katalogimut katersorsimalerpai, taakku Qaqortup Katersugaasiviani ulluni makkunani saqqummersinneqarput. Saqqummersitsineq ORPIK sapaatip akunnerata naanerani ammarneqarpoq.

- Saqqummersitsinermut takusaajartortut orpiit pillugit assiutikka takugaangamikkit upperinninngittartut qassiunersut kisitsisaatiginngilakka, oqartoqartarporlu ”arraa, Kalaallit Nunaanni orpeqanngilaq, ilaaja…?”, assiliisartup Finn Larsenip saqqummersitsinermut atatillugu oqaasertaliussat ilaat taamatut nipeqarput.

Kitaani kujataanilu orpiit

Ukiut kingulliit 30-t ingerlaneranni 30-nik amerlanerusoriarluni Kalaallit Nunaanniittarsimavoq, pingaartumik Kujataani orpeqarfiusumi. Assiutimigullu uppernarsarsinnaavaa, Sisimiuni Sisimiullu kujataani aamma orpeqartoq.

- Ukiut ingerlaneranni assit Kalaallit Nunaanneersut takuneqarnissaat takutinneqarnissaallu siunertaasarsimavoq, nuna pillugu uanga nammineq allallu takorloortagaat akerlilerniarlugit. Kalaallit Nunaanni inuit amerlanerpaartaasa nuna ulluinnarni najugaat qitiutillugu sammisarsimavara. Illoqarfiit, inissiarsuit blokkit illullu, eqqaavissuit. Aamma naatsiiviit orpiillu, Finn Larsen saqqummersitsinermut atatillugu ilisarititsinermini oqarpoq.

Saqqummersinneqartut Kalaallit Nunaanni katersugaasivinni paarlakaajaallugit saqqummersinneqassapput. Finn Larsenillu Sermitsiaq.AG-mut ilisimatitsissutigaa, Kalaallit Nunaanni orpiit pillugit atuakkiaq ukiup naanerani saqqummiunneqassasoq.

Ilanngutassiami saqqummersitsinermit assit takusinnaavatit.

Powered by Labrador CMS