Kalaallit Nunaanni innuttaasut 89-inik amerlisimasut
Ukiup nikinnerani Kalaallit Nunaanni inuit 56.081-it najugaqarsimapput. Pingaartumik nunanit allaneersut nutsernerisa innuttaasut 56.000-it sinnerlugit amerlassuseqalersissimavaat, tamanna Naatsorsueqqissaartarfiup kisitsisitigut paasissutissaataata kingulliup takutippaa.
2019-imi inuit nunanit allaneersut Kalaallit Nunaanni najugallit 134-inik amerleriarsimapput, taamaalillutik ullumikkut nunani allani innuttaassusillit katillutik 1.246-t Kalaallit Nunaanni najugaqalersimapput. Amerlassusaat 12 procentimik qaffassimalluni. Pingaartumik Filippinerit Thailandimiullu Kalaallit Nunaanni najugaqarnissartik toqqartarsimavaat.
Filippinerit (373) kiisalu Thailandimiut nunani allani innuttaassusillit Kalaallit Nunaanni najugaqalersimasut 47 procenterivaat.
2019-imi Kalaallit Nunaannit nuussimasut qiviaraanni, takuneqarsinnaavoq inuit 299-it allamut nuussimasut.
- 1993-imili ukiumut agguaqatigiissillugu nunasisarnerit amerlassusaannit ikinnerungaatsiartut, Naatsorsueqqissaartarfik allappoq. Taamaalilluni 1993-imiit 1999-imut inuit Kalaallit Nunaannit nuussimasut agguaqatigiissillugit 392-inik amerlassuseqarput.
Innuttaasut nunaqarfinniit illoqarfinnut nutsernerat ingerlaannarpoq. 2019-imi nunaqarfinni innuttaasut 154-inik ikinnerulersimapput, nunaqarfiit ullumikkut 6.879-inik innuttaqarput.
Kommunit pingaarnersaat Avannaatalu Kommunia nutserfigineqarerpaapput. Nunami innuttaasut 32,7 procentii (18.326) ullumikkut Nuummi najugaqarput, kommunilu tamakkerlugu innuttaasut 177-inik amerlanerulersimallutik. Avanaata Kommuniani innuttaasut amerliartornerat 204 procentiuvoq.
Akerlianik Kommuni Kujalleq (pingasunik innuttakinnerulersimasoq), Qeqqata Kommunia (32-nik innuttakinnerulersimasoq) Kommuni Qeqertalillu 204-nik innuttakinnerulersimalluni inukinnerpaanngorsimasoq inukkilliartorput. Kommuni Kujalleq siorna inunnit qimagaarfigineqarnerpaasimagaluarpoq.