Skip to main content

Kalaallit Nunaanni assilisat saqqummersinneqarput

Kalaallit Nunaanni 1970-ikkunni assilineqarsimasut Kalaallit Illuutaanni Københavnimi saqqummersinneqassapput

Isumaqarnassagaluarpoq Kalaallit Illuutaat ullumi saqqummersitsinngilaarnerani akunnerup affaa sioqqullugu siallileruttormat inuit Kalaallit Illuutaanut oqquiartussagaluartut. Taamaattorli inuit 30-t missai saqqummersitsinermi najuupput. 

Pisarnertut kaffe, the kaagillu sassaalliutigineqarput. Nivi Christensen isertunut ilisimatitsivoq ukioq manna Kalaallit Illuutaat ukiuni 40-nngortorsiorluni nalliussineqarniartoq. Tamannalu ukioq manna pisarnermik annerusumik nalliussineqarumaarluni, ukualu assit saqqummersinneqartut aaqqissuussinermi pingaartunut ilaasutut nalunaarutigineqarlutik. Saqqummersitat juulip naanerata tungaanut saqqumisinneqassapput. 

Harry Ostrup-ip assiliinermini pikkoriffigilluinnagaa pinngortitamik assiliineq svensk-it assiliissutiliortartut Hasselblad AB-ip ussassaarutaani naqitertittagaanilu artorneqarluartarput. 

Harry Ostrup-ip Frankrig-imi assilissat atorlugit tusagassiuinermik aallarniisoq Henri Cartier-Bresson nuannaartorilluinnarpaa, kiisalu danskeq assiliisartoq Viggo Rivad (1922-) amerikamiorlu pinngortitamik assiliisartoq Ansel Adams (1902-1984) aallaavigalugillu isumasiorfigalugit assiliisarluni. 

Harry-p assilisai qavani nunatta kujaterpiaaniik avunga nunatta avannaarpiaa ilanngullugu assilisaapput. Harry-p pinngortitamik soqutiginnilluinnarnera pinngortitamillu assiliisarnera imatut saqqummiussoqqissaartariaqanngilaq, assilissammi nammineq oqaluttuarput takusassiillutillu. 

Nunarput sorutigineqarluartoq
Soorlumi tassa nammineq assilissamut isiinnarluni, pinngortitarsuaq nipaatsoq najulerlugu, kiisalu nunatta sorraassusaa malugalugu. Assilissat kusanangaartut Kalaallit Illuutaani takuneqarsinnaapput kusanartumik iikkamut tulleriaarlugit nivinngarterneqarnikut, isertullumi tiguartivissinnaasarput assinik kusarnartunik. 

'Issingaartumi nipaassuarmilu samanngarsuaq qupaloraarsuup qarlornera tusaaneqarsinnaavorluunniit' Harry taamatut oqassalluni nuannarisarivaa, nunarpullu taamatut ilisaritittarlugu. 

Assilissat piffissami kingullermi Mastershot.com-imiik ersarissarlugillu digitalisererneqarnikuupput, taannalu suliffeqarfeeraq saniatigooralugu Michael Lind Hansen-imik pigineqarpoq. 

Michael-ip saqqummiinermini eqqaava, assilissat dansk-inik assilineqartartut puiunnginneqarnissaat anguniassagaanni taamatut ersarissariarlugit digitalisererlugit saqqummiunneqartalerunik sivisunerumik pigineqarsinnaalissasut. Uanilu Harry-p assilisai piffissaasutut isigai taamatut saleriarlugit digitaliersereriarlugit saqqummiunneqarneri. Michael Lind Hansen-ip erseqqissarpaa Danmark-imi Dyrehaven-ip UNESCO-p Piujuaannartitsinissaasut ataatsimiititaliaani ilanngunneqarnissaa angorusullugu qinnuteqaatigisamini Harry Ostrup-ip assilisai qinnuteqartuusut atugarigaat. 

Assit ataani takukkit

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER