Skip to main content

Kalaallit Nunaanni aasaq kiannerusoq

Malugisimassajunnarsivat. Ullut seqinnarissut, sialoqanngistoq aamma ingasattumik kiattoq. Kalaallit Nunaanni ukioq manna aasaanera kiattorujussuuvoq.

Ullut arlallit seqinnarissoq. Siallerpianngitsoq aamma 20 gradit sinnerlugit kiattoq.

Aasaanerata kiannera aamma illit malugaajuk? Taamaappat kisimiinngilatit. Qallunata silasiortut danskit silaat kalaallit aasaanerannut kiattumut sanilliuppaat, ippassarlu Kalaallit Nunaat Danmarkimit kianneruvoq.

Kalaallit aasaanera kiannerusoq ilorrisimaarutigigaat, danskit qiiakujupput. TV2 vejret nittartakkamini taama allaaserisaqarpoq.

TV2 vejret naapertorlugu ataasinngornermi Nuummi kiannerpaammat 23,0-mut uuttortarneqarsimavoq. Danmarkimi termometeri qaffasinnerpaaq 21,1 gradimiippoq. Taamaalilluni Nuuk Danmarkip ilaanit 2 gradinik kianneruvoq.

Sisimiuni kiassiut ataasinngornermi 21,8 gradimiippoq, taamaalillunilu aamma Sisimiutu Danmarkimit kianneruvoq.

Kiannerpaaffigisimasaanut qanittoq

Nuummi 23,0 gradinik kiannera illoqarfiit pingaarnersaanni kiannerpaaffigisimasaanit 1,9 gradiinnarnik inorsarpoq, septembarimi 2010-mi 24,9 gradinik kiammat, TV2 vejret allappoq.

Kalaallit Nunaanni taama kiatsigisarnera qaqutigoorpoq. Ukiuni 20-ni kingullerni aatsaat arfineq-marloriarluni juulimi 20 gradit sinnerlugit kiappoq. Ukiunili kingullerni ataatsimut isigalugu juulimi kiattarpoq, ukiuni arfineq-pingasuni kingullerni kiassiut 20 gradinik qaangerlugilluunniit arfineq-marloriarluni kiassimalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER