Kalaallit nunaani dommerit kattuffiat nutaamik siulittaasortaarpoq

Ukioq manna GM unammersuarnerisa nalaani Qasigiannguani Dommerit kattuffiat ataatsimeersuarpoq ulloq 6.august Qasigiannguit katersortarfianni.

Ukiuni kingullerni arfinilinni siulittaasuusimasoq aammalu ukiuni 24-ni dommerioqataasimasoq Steffen Silassen tunuarniarluni nalunaarpoq taamaalilluni GFU (Grønands Dommer Union) nutaamik siulittaasortaarpoq.

Siulittaasunngorpoq Jens Peter Olsen Aasiaat, oqaluttuarisaanermilu aatsaat Nuup avataani siulittaasoqalerluni.

- Tamannalu tassa nutaamik siunnersuuteqarnikkut kinalunniit nunatsinni dommeri sumi inissisimagaluarunik siulersuisunut qinigassanngortissinaalerput, tammalu eqaallisaanermut pisariillisaanermullu iluaqutaasasoq naatsorsuutigineqarpoq.

Siulersuisut ima innissisimalerput:

• Siuittaasoq Jens Peter Olsen, Aasiaat
• Aningaaserisoq Kristoffer Ludvigsen, Nuuk
• Allatsi Poul Olsen, Sisimiut
• Siulersuisunut ilaasortaq Daniel Jakobsen, Nuuk
• Siulersuisunut ilaasortaq Albrecht Brandt, Qeqertarsuaq
• Sinniisussaq Lars Frederik Lundblad, Sisimiut
• Sinniisussaq Hans Federik Olsen, Sisimiut