Skip to main content

Kalaallit namminiilivinniarnerat Løkkep aatsaat qaqugorsuarmut pissangatippaa

Kalaallit aningaasaqarnermikkut imminnut napatissinnaalernissaminnut suli ukiorpassuit utaqqissasut Lars Løkke Rasmussen naliliivoq.

Ministeriunerup Lars Løkke Rasmussenip (V) Kalaallit Nunaata ullut ilaanni naalagaaffeqatigiinneq qimassagaluarpagu aliasuutigissavaa, kisianni aamma taamatut aalajangerneq ataqqiniarpaa.

Tamatumali saniatigut Kalaallit Nunaata namminiilivinnissaanut aqqut suli takisoq isumaqarpoq.

- Uanga tunginniit isigalugu kalaallit imaannaanngitsunik unammilligassaqarput, Lars Løkke Rasmussen oqarpoq.

Aningaasaqarnikkut unammilligassat
Aningaasatigullu unammilligassat tassani eqqarsaatigai.

- Namminersorlutik Oqartussat isertittagaasa affaat ataatsimoortumik tapiissutinit pisarput. Taassuma saniatigut akisussaaffeqarfiit Kalaallit Nunaannut nuunneqartussat aningaasanik naleqarput, tiguniaraanni naalagaaffeqatigiit suliassarpiaat ilanngullugit tigusariaqarput kalaallillu namminiilivissagunik tamakku tamaasa kivittariaqassallugit.

6 milliardit
Aningaasat amigaatigineqartut kisinneqarneri ima isikkoqarput. Naalagaaffimmit tapiissutit 3,7 milliardit koruuniupput, suliassaqarfiit sinneri Namminersornermut inatsimmi taakkartorneqartut akisussaaffigilernerat 0,5 milliardinik akeqassapput, namminiilivinnermilu illersornissap akisussaaffigilernera aamma minnerpaamik 0,5 milliardinik akeqassalluni.

Tamatumalu qaavatigut ukiut 15-it ingerlanerini iliuuseqanngikkaanni, nunap karsia 1 milliardit koruuninik amigaateqalissasoqq, Kalaallit Nunaanni Aningaasaqarnermut siunnersuisoqatigiit uparuarnikuuaat.

Kalaallit Nunaata namminersortup nassaarisassaanik tamanna katillugu 6 milliardit koruuninik akiligassaqalersitsissaaq. Aningaasanut inatsisip aningaasartaasa katinnerisa amerlaqatigipajaarpaat.

- Aningaasatigut nammineersinnaanissaat maannakkut takusinnaanngilara, oqarpoq.

Naalagaaffiup tapiissutai annaaneqassapput
Kalaallit namminiilivinniarlutik taasippata ataatsimoortumik tapiissutit ukiualunnguit ingerlaneranni peerneqarumaartut Lars Løkke Rasmussenip erseqqissarpaa.

- Soorunami. Kalaallit Nunaat namminersuissoq namminersortuussaaq aningaasatigullu aamma taamaasilluni akisussaasunngorluni.

Namminiilivinneq aningaasaqarneq eqqarsaatigalugu qanoq angitiginersoq kalaallit eqqumaffigigaat illit taama paasiviuk?

- Uanga tamatuminnga naliliisussaagunanngilanga, Lars Løkke Rasmussen nipangersimangaatsiareerluni akivoq.

Tamanna pillugu Sermitsiami saqqummertumi paasisaqarnerugit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER