Kalaallit meeqqat angerlarsimaffiup avataanut inissinneqarsimasut pillugit nalunaarusiaq aamma tusarniaaneq
Kalaallit meeqqat qallunaat meerartaannut naleqqiullutik angerlarsimaffiup avataanut inissinneqarnerusarnerannut suna patsisaava? Nalunaarusiami maajip 24-anni tamanut saqqummiunneqartussatut naatsorsuutigineqartumi tamanna oqallisissiarineqarpoq. Ullup taassuma aqaguani Folketingimi tusarniaasoqassaaq, tassani ilaatigut Foreningen Mentor Immanuel peqataassalluni.
Isumasiuisarfiup VIVE-p kalaallit meeqqat Danmarkimiittut angerlarsimaffiup avataanut inissinneqarsimasut pillugit nalunaarusiaq maajip 24-anni tamanut saqqummiutissavaa, tamatumunnga atatillugu IA sinnerlugu Folketingimut ilaasortap Aaja Chemnitz Larsenip Kalaallit Nunaannut ataatsimiititaliap tapersiitinneratigut Folketingimi tusarniaasoqarnissaa angusinnaasimavaa. Tamatuma maajip 25-anni pinissaa naatsorsuutigineqarpoq.
Aviisi Sermitsiaq taama allappoq.
- Kalaallit meeqqat angerlarsimaffiup avataanut inissinneqarsimasut pillugit suliani assigiinngitsunik isiginneriaaseqartoqarsimavoq, taamaattumik isumasiuisarfiup VIVE-p saniatigut aamma kommunit kattuffiat (KL), Ilisimatusarfimmi ilisimatooq Bonnie Jensen aamma peqatigiiffik Foreningen Mentor Immanuel aamma qaaqquakka, Aaja Chemnitz Larsen oqarpoq, taassuma aamma, isumaginninnermut ministerip Astrid Kragip (S) tusarniaanermut piffissaqarsinnaanissaa neriuutigaa.
Nalunaarusiamik isorinnittut
Peqatigiiffik Foreningen Mentor Immanuel, angajoqqaanik kalaallinik meeqqaminnik angerlarsimaffiup avataanut inissiisoqartarnerani tapersersuillunilu ikiuuttartoq, isumasiuisarfiup misissueriaasianik suleriaasianillu isumakulunnartoqartitsilluni arlaleriarluni oqaatiginnittarpoq.
Aviisimi Sermitsiami atuarnerusinnaavutit: