Skip to main content

Kalaallit marluk Etnisk Grand Prix-mi erinarsoqatigiissapput

35-nik ukiulik Judithe Jørgensen aamma 27-nik ukiulik Ivalu Josefsen Melodi Grand Prixeqarnissaanut atatillugu erinarsornermik unammisitsinermi peqataassapput sapaatiuppat

Inuiaat erinarsornermik unammitinneqarnerat Etnisk Grand Prix siullerpaamik ingerlanneqassaaq sapaatiuppat. 

Melodi Grand Prixeqarnissaanut atatillugu inuiaat taamatut unammisinneqassapput Aalborgimi sapaatiuppat nalunaaqutaq 13.00 aallartittumik. 

Melodi Grand Prixini nuannarineqarnerpaat atorneqassapput unammisitsinermi. 

Kalaallit Illuutaat ikiuutaasoq
Aaqqissuisut Kalaallit Illuutaannut Aalborgimiittumut apeqquteqarput kikkut peqataanissamut piukkunnartuunersut. Aalborgimi najugallit Judithe Jørgensen Qasigiannguinit aamma Ivalu Josefsen Paamiunit toqqarneqarput. 

Taakku ikinngitigiipput, ilaatigut kalaallit katerisimaarnerini, soorlu juullimut inuulluaqqusinerni, iluatsilluartumik erinarsortuusarlutik. 

Tapersersorluarneqarnissaq
Erinarsornermut unammisitsinissamut ikinngutigiit pissangassangapput. Erinarsugassartilli sungiusaqattaareeramikku pissangajunnaarnerujuartorput. 

Melodi Grand Priximi danskit ajugaasut 24-t atugaasa arlaat erinarsortussaavaat. 

Sunali Judithe Jørgensenip Ivalu Josefsenillu atussaneraat isertuunneqarallarpoq. Europhallenimi ajugaaniutivittoqassaaq nalunaaqutaq 15.30, isernerlu akeqassanngilaq. 

Kalaaleqatiminnit tapersersorluarneqarnissartik erinarsortussat Sermitsiaq.AG-mut oqaatigaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER