Knæk Cancer
Kalaallit kræftimut takutitsissutaat qallunaanit nuannarineqaqaaq
Assi Ilulissaneersoq inuit nettimi naapittarfiini nuannarineqartorujussuuvoq
Qallunaat tv-qarfiat aamma Kræftens Bekæmpelse kræfti akiorniarlugu ulluni makkunani aningaasanik katersuipput.
Tamatumunnga atatillugu assinik nassiussisoqarsinnaavoq. Knæk Cancer-ip facebookimi qupperneranut assit nassiunneqartut ilaat Ilulissaneerpoq.
Naneruutit 235-it
Assilu nettimi inuit naapittarfiini nuannarineqartorujussuuvoq. Ulloq unnuarlu suli naanngitsoq assi qallunaanit millionip affaanit Facebookimi takuneqarsimavoq, matumalu allannerani 26.000-t sinnerlugit likes-erneqarsimalluni 2.200-nillu avitseqatigineqarsimalluni, TV 2 taamatut allappoq.
Assimi takuneqarsinnaapput inuppassuit, issikkaluartoq silami naneruutinik 235-inik ilioqqaasimasut.
– Kusanangaarami uulikullannaannarporluunniit, ilaat Facebookimi allappoq.