Kalaallit inuusuttut maligassiusut pillugu filmi Norgemi Danmarkimilu takutinneqassaaq
Piviusulersaarusiaq 'Piginnaasatta nukkassartarpaatigut' Norgep avannaani Danmarkimilu takutinneqassaaq
Inuusuttut maligassiuilluartut oqariartuutaat Norgep avannaani Kautokeinomi Saaminut takutinneqartussanngorput, taammatuttaaq Aalborgimi Københavnimilu Kalaallit Illuini takutinneqassallutik.
Tamanna piviusulersaarummik suliaqartut, Allaq Production, tusagassiutinut nalunaarutigaat.
- Suliniutip siunertaraa meeqqat inuusuttullu nunaqqatiminnik maligassiuilluartunik tigussaasumik tarrarsorfigisinnaasaminnik saqqumilaartoqarnerulernissaa, taammaammat nuannaarutigilluinnarparput maanna maligassiuisut aqqaneq marluk Nuummeersut Qaqortumeersorlu takutissinnaanngoratsigit, nunani avannarlerni Norgemi aammalu Danmarkimi.
Piginnaasatta Nukkassartarpaatigut” siorna Qaqortup Katersugaasivianni saqqummerseqqaarneqarnikuupput, upernaarlu Nuutoqaq Nuuk Lokal Museumimi saqqummersinneqarnikuullutik.
Suliniummi peqataasugut tamatta pujortarneq ajorpugut aanngajaarniutinillu atuisuunngitsut peqataapput.