Skip to main content

Kalaallit inuuniarnerminni ajornartorsiutillit ikiorniarneqartut

Kalaallit inuuniarnerminni ajornartorsiutillit Danmarkimi najugallit amerliartorneri akiorniarlugit millionit arlallit satspuljemit aningaasaliissutigineqarput. Aningaasalli kukkusumik atorneqartut Kalaallit Illuanni pisortaq isumaqarpoq

Kalaallit inuuniarnermikkut ajornartorsiuteqartut Danmarkimiittut amerlavallaat angerlarsimaffeqaratik atornerluisuunertik aattatiinnarpaat. Illoqarfimmilu najungarisaminni kommunimut ikiorneqarnissaminnik saaffiginninneq ajorlutik. Tamannalu iliuuseqarfiginissaanut 2017-mi satspuljemit 46,4 mio. koruunit aningaasaliissutigineqarput. Ukiunilu sisamani tulliuttuni ajornartorsiut akiorniarlugu suliniutinut aningaasat atorneqartussanngorlutik.

Atuaruk: Kalaallit inuuniarnermikkut ajornartorsiuteqartut 46 mio. koruuninik aningaasaliiffiginerput

Naammanngilaq

Ajornartorsiullumi akiorneqartariaqartoq Isumaginninnermut ministeri Karen Ellemann isumaqarpoq.

- Kalaallit ajornartorsiortut amerlavallaat atornerluisunngortarneri, angerlarsimaffeqannginneri inuiaqatigiinnullu najugarisaminni attaveqannginneri naammagiinnagassaanngilaq, Karen Ellemann oqarpoq.

Aningaasaliissutinit 46,4 mio. koruuniusunit 10 mio. koruunit Kalaallit Nunaanni meeqqanut inuusuttunullu Naalakkersuisut suliniutaannut atorneqassapput.

Atuaruk: Video takuuk: Kalaallit atugarliortut Christiansborgimi oqallisigineqartut

Ikiortit

Sinneruttullu 36,4 mio. koruunit affai kalaallinut Danmarkimiittunut inuuniarnerminni ajornartorsiutilinnut ikiortinut atorneqassapput. Taakkuuppullu kommunimi sulisut kalaallit oqaasiinik oqalussinnaallutillu inooriaasaannik ilisimasaqartut.

Kalaallit attaveqarfiginiarnissaannut suleqataasut ilai kajumissutsiminnik sulisuussapput ikorfartuisuullutillu. Taakku kommuni sinnerlugu sulisuunngillat.

- Kommunimi sulisut kajumissutsiminnillu suleqataasut ataqatigiisinnerinik silatusaartumik iliuuseqarnerusoq isumaqarpunga. Taamaasilluni ikiorneqarnissamik neqeroorutit atorluarneqarnerulersinnaammata maannami ikiuiniarnerugaluit kinguneqangaarnermik ajormata, Isumaginninnermut ministeri oqarpoq.

Nuannaarutiginngilaat

Satspuljemit aningaasaliiffiusussatut pingaarnerutitat Kalaallit Illuanni pisortap Søren Stach Nielsenip nuannaajallaatiginngilai.

- Aningaasaliissutit amerleriaateqalerneri nuannaarutigaarput taamaakkaluartoq aningaasat ikiortinut atorneqartussanngorneri pakatsissutigalugit. Kommunimimi sulisut kajumissutsiminnillu suleqataasunik peqareerpoq, oqarpoq.

- Ikiortiusunngortussammi kalaallit kulturiannik oqaasinillu nalunngittuusussaapput.

- Nalunngilara. Tamaattunilli sulisoqareerpoq.

- Aningaasaliissutimmi sumut atorneqassagaluaramik?

- Kalaallit Danmarkimut nuttartut inuuniarnermikkut ajornartorsiortut amerliartuinnavipput. Tamannalu eqqumaffiginerusariaqaraluarparput.

Qanoq?

- Kommunimit suliniutit arlaqartut aallartereernikuupput. Kalaallit noorlaat Danmarkimi inuuniarneq qanoq inneranik ilinniartitsitsisoqartarpoq. Suliniutillu taamaattut amerlanerunissaannut aningaasat atorneqartuuppata pitsaanerussagaluarpoq suliat ingerlareersut amerlitiinnarnerinit, Søren Stach Nielsen oqarpoq.

Eqqumaffigineqanngippallaarpoq

Kommunimit suliniutit ingerlasut Christiansborgimi Inuit Ataqatigiinnit ilaasortaasumit Aaja Chemnitz Larsenimit nuannaarutigineqanngillat.

-Kalaallit pisariaqartitaat kommunimit iluamit isiginiarneqanngillat, oqarpoq.

Ikiorteqalerneranimmi maanna tamanna aaqqiviginiarneqalerpoq?

- Aap. Ikiortinngortussalli kalaallisut oqalussinnaallutillu kalaallit inooriaasaannut ilisimannittuusussaapput. Tamannali kinguneqarluarumaarnersoq piffissap takutikkumaarpaa, Aaja Chemnitz Larsen oqarpoq.

Kalaallit Danmarkimut nuukkaangamik Danskisut innuttaassuseqalertarmata inuuniarnerminni ajornartorsiuteqartut qasserpiaanersut kisitsisaatigineqanngillat.

1.000 - 1.500-jullu missaaniillutik.

/ritzau/

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER