Skip to main content

Kalaallit inunnguutsiminnik sukkornermik nappaateqalernissamut qaninnerupput

Nerereernermi sukkut nukinnukartussaagaluit annikinnerusartut paasineqarpoq, aap akuata qaffasippallaartumik sukkoqalertarnerannik tamanna pissutaaqataasarpoq

Ilisimatuussutsikkut misissuinerup sukkornermik nappaatillit amerlanerujussuinut patsisaasut ilaat nassuiaatissarsivaa. 

Peqqinnanngitsumik inuuneqarnikkut pualavallaalerneq, nerisat peqqinnanngitsut timillu atunngippallaarnera, type 2-mik sukkornermik nappaateqalernissamut aalajangiisuusarpoq. Inuilli ilaasa allanut sanilliullutik inunnguutsiminnik sukkornermik nappaateqalernissamut qaninnerunerat, ilisimatusarnermi matumani ersersinneqarpoq. 

Gen-eq sananeqaat TBC1D4 nukiit sananeqaataasa sukkumik atuisinnaanerannut sunniuteqartartoq, maannamut taamaallaat kalaallini nassaarineqarpoq. Gen-ip taassuma nerereernermi sukkut nukinnukartussaagaluit annikinnerutittarmagit, aap akuata qaffasippallaartumik sukkoqalertarnerannik pissutaaqataasarpoq. Type 2-mik sukkulersimasullu 15 procenti missaasa taassuminnga peqquteqarsinnaanerat nassuiaatissaqartilerlugu. 

Nerisat timersornerlu
- Paasissutissat nutaat soqutiginarput. Sananeqaatitsinnit gen-eq, kinguaariinni amerlasuuni pigereersimasarput inooriaatitsinnik allanngortitsisimanitta malittaanik maannakkut erserpoq, ullumikkullu inooriaaseqaratta annerusumik sukkortunngorsinnaanermut ulorianartorsiortitsisumik, peqqissutsimut attaveqarnermullu naalakkersuisoq Steen Lynge Atassut oqarpoq

Sukkornermulli nappaateqalinnginnissamut akiuussutissaqarpoq. 

- Peqqinnartumik inuuneqarnikkut sukkortunngornissaraluit pinngitsoortissinnaavat, ukiuni marlunni tulliuttuni Inuuneritta II-mi inuiaat inuunerinnerulernissaannik anguniagaqarluta nerisat timimillu aalatitsineq immikkut sammisassatut qitiutippagut, Steen Lynge oqarpoq. 

Ilisimatusarnikkut paasisat atuagassiami assut ataqqisaasumi Nature-mi saqqummiunneqarnissaat Kalaallit Nunaanni Peqqissutsimik Ilisimatusarfimmi, Ilisimatusarfimmilu ilisimatuup Peter Bjerregaard-ip, ilaatigut Københavnip Universitet-iani Steno Diabetes Centerimilu ilisimatusartunik peqateqarluni, timip saneqaataanut tunngasunik ilisimatusarnermi annertoqisumi peqataasimasup ilisimatitsissutigaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER