Kalaallit ilusilersugaat Saudi-Arabiamut
Bibi Chemnitz Parisimi atisanik takutitsinermi akimasuumi Tranoïmi peqataaqqammerpoq. Maanna kalaallit ilusilersugaat Saudi-Arabiamut eqqunneqartussanngorput
Sapaatit akunnerani qaangiuttumi Frankrigimi atisanik takutitsinermi akimasuumi Tranoïmi Parisimi atisanik takutitsinermi maannamut Kalaallit Nunaanni atisanik tunisassiortunit siullersaalluni kisiartaallunilu Bibi Chemnitz peqataavoq.
Sermitsiaq allappoq.
- Ukiuni arlalinni saniatigut atisanik saqqummersitsinerpassuarni takutitsiveqarluta Parisimi peqataasarsimavugut, Tranoïmulli qaaqqusaaneq nuannerluinnarpoq, Bibi Chemnitzip aappaa David Røgilds Parisimiit oqarasuaatikkut oqaluttuarpoq. Tranoï peqataasussanik immikkuullarissunik taaneqartartunik toqqaasimavoq, tassalu atisaliat akimanersaasa akornanniittunik.
- Tranoïmut peqataaniarluni inissamik pisisoqarsinnaanngilaq. Qaaqquneqartariaqarpoq. Akimalluinnartuuvoq, taamaattumik neqeroorfigineqaratta soorunami akuersivugut. Parisimi atisanik saqqummersitsineq nunarsuarmi annerpaat ilagaat, nunarsuarmit tamarmit pisiniartut tusindilikkaat takkullutik atisaliat nutaat takuniartarlugit pisiniarlutillu.
Allaaserineqartoq aviisimi Sermitsiami tamakkiisumik atuarneqarsinnaavoq. Aviisi uani pisiariuk: