Kalaallit Illuani pisortaq taamaatilersoq
Kisten Mærsk ukiuni 16-ini Odensemi Kalaallit Illuani Nordatlantisk Husimilu qullersatut pisortaareerluni soraarninngorniarluni aalajangersimavoq.
Annonse
Kirsten Mærsk Nordatlantisk Husip Odensep umiarsualiviani pilersinneqarnerani qitiusutut inissisimasimavoq, taamaalilluni Kalaallit Illuat Hunderupvejimiittoq umiarsualivimmut kusanartumik avatangiiseqartumut nuunneqarsinnaasimavoq.
Tassa ukiut kingulliit arfinillit Kalaallit Illuani, aammali Nordatlantisk Husimi pisortaasimavoq.
Soraarninngornissamik aalajangerneq corona sioqqullugu pisimavoq, tusagassiorfinnut nalunaaruteqarnermi erseqqissaatigineqarpoq.
Kirsten Mærsk atorfimminit maajip 15-iani soraassaaq, juunillu 30-ani soraarninngussalluni.
Coronap nalorninartorsiortitsinera pissutigalugu pisortap soraarnerani ilassinnittoqassanersoq nalornissutigineqarpoq.