Kalaallit ilai panertutorneq ajorput
Decolonizemik ingerlatsisut ukiuni kingullerni takussaaneruleriartorput. Isummat assigiinngitsorpassuupput. Sunarpiaruna decolonizemik ingerlatsisut anguniaraat? Tamanna tarnip pissusaanik ilisimasallip Niina Petersenip akissutissaqartippaa.
Decolonizemik ingerlatsisut.
Inuit attaveqaqatigiittarfianni takussaaleraluttuinnarput. Inuusuttut amerlasuut kiinnaminni assaminnilu inuit kakiornerannik pisaartorput. Arlallit kulturimik atornerluisutut nalilerneqartalerput. Aamma puigorneqassanngilaq Hans Egedep eqqaassutissaa arlaleriarluni serlersaarfigineqarnera, tassani ilaatigut oqaaseq ”Decolonize” qalipaammik qaqortumik allanneqarsimammat. Kiisalu decemberimi, Flemming Jensenip isiginnaagassiaa ”Nissebanden i Julemandens Land” oqallisigineqangaatsiarpoq.
Aviisi AG allappoq.
- Ajornartorsiut iserfigineqarluaqqaartariaqarpoq, Decolonizemik ingerlatsisut paasilluarniaraanni, Niina Petersen, tarnip pissusaanik ilisimasalik namminersortoq Decolonizenillu ingerlatsisunut malinnaasoq oqarpoq.
- Pisut aallaavigalugit ingerlatsisut toqqaannartorujussuarmik isornartorsiuisarput. Ingerlatsisut sunarpiaq toqqammaviginerlugu nassuiaaqqaarneq ajorput, tarnip pissusaanik ilisimasalik oqarpoq. Taassuma Decolonizemik ingerlatsisut isumaannut oqariartuutaannullu inuit paatsuuissappata paasisinnaallugit oqaatigaa.
- Paatsoortut ukuunerupput nunasiaataasimanermit ingerlariaqqikkusuttut. Taakkuuppulli aamma Danmarkimi isumanik pigiuliutiinnakkanik naapitsisartut. Tassami kalaallit isiginnaagassiani assigisaanniluunniit qangatut inuusutut takutinneqakkajuttarput, taanna oqarpoq.
Aviisimi AG-mi atuarnerusinnaavutit. Aviisi uani pissarsiarisinnaavat: