Kalaallit futsalertartut AWG-imi peqataasut tamarmik semifinalilertut

Kalaallit futsalimi iligiit Arctic Winter Gamesimi ingerlalluarput.

Kalaallimmi peqataatitaat Artic Winter Gamesimi semifinalernissamut anngutiliivissimanngikkunik anngutereersimapput.

Niviarsiaqqat nukarliit unammiuaarnerni suli ajorsartinneqarsimanngillat. Taakku puljeminni siuttuupput, tulliullutillu inissisimasut Alaska taamaallaat unammisassarilernikuullugit.

Nukappiaqqallu nukarliit suli aamma ajorsartinneqarsimanngillat. Taakku unammiuaarnermi ajugaasaqattaarsimapput, iligiillu semifinalernissamut anngutereersimapput. Iligiit ullumi sisamanngornermi Alaska unammissavaat.

Futsalertartulli angajulliit taama ingerlalluartigisimanngillat. Taakku marlunngormat hjemmebanertut NWT ajosarfigaat. Iligiit pingasunngormat Nunavummeersunut 8-1-mik ajugaafajugaapput, taamasillutillu unammiuaarnermi aappassaanik ajugaallutik. Iligiilli semifinalernissartik aamma qulakkeersimavaat.

Kalaallit angajulliit semifinalernissartik aamma qulakkeereersimavaat, unammiuaarnermili iligiit ingerlalluarsimanngillat. Maannakkuungallartoq iligiit tullertut inissisimapput, pingasoriarlutillu unamminerminni ataasiarlutik ajugaasimapput marloriarlutillu naligiittarsimallutik.

Taakkuli semfinalernissamut aamma anngutereersimapput, ullumikkummi pingajuattut sisamaattulli inissisimasut unammisussaapput. Kalaallit nukappiaqqat ullumi NWT unammissavaat.

Semifinalernerit aqagu tallimanngornermi ingerlanneqassapput.

Futsalimik angusat tamaasa uani takukkit