frimærkit
Kalaallit frimærkiutaat Finlandimi
Sapaatip akunnerata siuliani Finlandimi frimærkinik saqqummersitsinersuaqarpoq. Tele-Post saqqummersitsinermi peqataavoq
Europami frimærkinik saqqummersitsineq annerpaaq siulleq Finlandimi ingerlanneqarpoq, Finlandip namminersortunngorneranit ukiut 100-nngortorsiorneranut atatillugu.
Tamanna Finlandip illoqarfiisa annersaasa pingajuanni Tamperemi ingerlanneqarpoq.
Finlandip namminersortunngorneranit ukiut 100-nngortorsiorneranut atatillugu. Inuit tusintilikkaat saqqummersitsinermut takuniaapput, aamma Tele-Posti saqqummersitsiveqarluni peqataaffigisaanik.
”Tamaat isigalugu pissarsiaqarluarpugut. Frimærkit inuit akornanni kulturikkut avitseqatigiinnermik aamma isumaqartoq naqissuseqqinneqarpoq, ineriartortitsinermut aqutsisoq Allan Pertti Frandsen tusagassiuutinut nalunaarummi taama oqarpoq.
Atuaruk: Frimærkit nutaat saqqummersinneqartut
Soqutigineqarluartoq
Saqqummersitsinermi Nunarput soqutigineqarsimavoq.
- Saqqummersitsineq ammarluanngitsorluunniit russisut oqaatsit atorlugit TV-mik aallakaatitassiortartoq filmiliorumallutalu apersorumavaatigut. Paasiniarpaat frimærkinik katersuisarneq nalinginnaasumik qanoq atuuffeqarnersoq aamma kalaallit frimærkiutaat nunarput pillugu qanoq oqaluttuarsinnaanersut, taanna oqaluttuarpoq.
Frimærkinik katersuisartut amerlanersaat Tele-Postip saqqummersitsivianut takuniaasut finlandimiuupput.
Taakkunannga arlallit aalajangersimasumik Tele-Postimit frimærkinik katersuisutut pisartagaqartuusut paasinarsivoq. Aammali frimærkinik katersuisartut tyskit, svenskit aamma amerikamiut Tampereliakaasimapput.
Kalaallit frimærkiutaannik 2017-imeersunik nutaanerpaanik, kiisalu 2013-imiit 2016-ip tungaanut nuannarineqarnerpaat ilaannit toqqakkanik, frimærkinik katersuisartunut TELE-POSTi neqerooruteqarnermini iluatsitsilluarpoq.