Skip to main content

Kalaallit filmiliaat filmfestivalimi peqataalersoq

Kalaallit filmiliortartut Ánorâk Film piviusulersaarummut "Aquarela"-mut suliaqaqataasimapput. Piviulersulersaarut Venedig-imi takutinneqartussanngorpoq. Aatsaat Nunatsinnit suliarineqarsimasunik festivalimi, ukioq manna ukiunik 75-nngortussami, takutitsisoqartussanngorpoq.

Takussutissaannaassanngilaq illoqarfimmi Venedig-imi filmi “Aquarela” takutinneqaqqaartussanngormat. Filmimi erngup nunarsuarmi inuunitsinni pingaaruteqassussaa sammineqarpoq – inuussutissamik tunisisutut aammali pinngortitarsuup nukingatut sunik tamanik sequmiisinnaasutut.

Russeq filmiliortartoq, Victor Kossakovsky, nunani tamalaani filmiliortarnermini 100-it sinnerlugit akissarsitinneqarsimasoq, ukiuni kingullerni nunarsuatsinni angalasimavoq imap nunanut tikitamini pingaaruteqarfiunera takusarlugu. Soorlu Sibirie-mi Baikal tasia, Venezuela-mi Angels Falls, Portugalimi sinerissami malerujussuit pinngortartut, Issittumik immap sarfai, Caribiami anorersuit kiisalu Qeqertarsuup Tunuani sermit iigartarfii.

Nunatsinnit immiussat piviusulersaarutip imarisaasa tallimaraarterutigaat, taakkualu Ánorâk Film suleqatigalugu Namminersorlutillu Oqartussat aningaasaleeqataaneratigut suliarineqarsimalluni.

Skotsip filmilioqataasup, Aimara Reques Aconite Productions-imeersup, oqarneratut Nunatsinni immiussinerit ajornarnersaasisimapput.

- Taamaammat kalaallinik filmiliortartunik suleqateqarneq oqilisaataasimavoq, aammalu inuiaqatigiinnit kalaallinit naapitatsinnit tamanit tapersersorneqarnerput. Taamaalilluni suliap aallartilluarneranut peqqutaaqataalluinnarpoq, tusagassiuutinut nalunaaruteqarluni allappoq.

Ánorâk Film-imeersoq Emile Hertling Péronard oqarpoq suleqataaneq pissarsiaqarnarsimasoq.

- Ilikkarnarpoq Aquarelamik suleqataaneq aamma Kossakovsky-p suleqataasalu suleqatiginerat. Taamaalilluta misilittagaqarnerulerpugut, taamaammat Venedig-imi takuteqqaarnissaa iluarisimaarnarpoq.

- Aquarela filminngorpoq kusanartoq, pissanganartoq aamma eqqarsarnartoq, taassumalu Nunatsinni takutinnissaa aamma erinigaarput.

Venedig-imi filmfestival-i nunarsuarmi pisoqaanersaraat, aggustip 29-aniit septembarip 8-anut ingerlanneqartarluni. Ukioq mannalu ukiunik 75-nngortorsiorpoq. Cannes, Berlin aamma Toronto peqatigalugu nunarsuarmi filmfestivalerfiusartut anginersat sisamaraat – A-festivalinik taaneqartartut.

Ánorâk Film-imit siornatigut ilaatigut SUMÉ allallu takusassiarineqarnikuupput.

Aquarelas-ip Nunatsinni takuteqqaarneqarnissaa qanittumi ullulerneqassaaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER