Erfalasorput
Kalaallit erfalasuat piumaneqaqisoq
Danmarkimi naalagaaffiup illuutaasa nunatta inuiattut ullorsiornerani Erfalasorput amusalissammassuk erfalasuliorfik erfalasunik amerlanerusunik tunisaqalerpoq
Naalakkersuisut qanittukkut aalajangiipput savalimmiut kalaallillu inuiattut ullorsiornerat naalagaaffiup nalliusseqatigisassagai.
Erfalasorput
Taamaattumik Danmarkimi naalagaaffiup illuutaasa Kalaallit Nunaata inuiattut nalliuttorsiornerani juunip 21-anni Erfalasorput amusassavaat, Savalimmiullu erfalasuat Merkid, Savalimmiut inuiattut ullorsiorneranni juulip 29-anni amusassallugu.
Maanna oqartussaaffeqarfiit allat kiisalu pisortat selskabii arlallit, soorlu Nordjyllands Trafikselskab, taamaasiortalerniarput.
Ulapitsitsivoq
Aalborg Flagfabrikimeersup Charlotte Pii Rasmussenip uppernarsarpaa naalakkersuisut naalajangiinerisa kingorna kalaallit savalimmiullu erfalasuinik tunisaqarneq annertuseriangaatsiarsimasoq, taamatut paasissutissiivoq Arctic Business Network.
– Inniminniinissamut periarfissaq kingullinngungajalerpoq, kalaallit inuiattut ullorsiornerannut angumersiniaraanni, Charlotte Pii Rasmussen attaveqaqatigiiffiup nittartagaanut oqarpoq.