Skip to main content

Kalaallit eqimattaanni: Østrig Sydkoreamut ajugaaqqarpoq

Assammik arsarluni nunarsuaq tamakkerlugu pissartanngorniunnerit aallartinnerini Østrig aamma Sydkorea naligiilluinnartut paasinarsivoq. Unammineq naggaserlugu straffertoqarnerani ajugaasoqarpoq. Nunat taakku marluk kalaallit, tallimanngornermi aamma sapaammi unammissavaat.

Arnat assammik arsarlutik nunarsuaq tamakkerlugu pissartanngorniunnerat aallartippoq. Kalaallit Nunaata eqimattaani, Gruppe C-miittut, Sydkorea aamma Østrig, siulliullutik unammipput.

Unammineq nalunaaqutaq 18.00 aallartippoq, tassa Kalaallit Nunaata nalunaaqutaa malillugu 15.00.

Unammineq minutsinik marlunnik ingerlareersoq aatsaat isertitsisoqarpoq, Sydkoreap Østrigip illersuisui akulloqqullugit siulliulluni isertitsigami. Østrigili malinnaapallappoq, arlaleriarlunilu isertitsilluni.

Unammineq naligiiffiusoq

Unammineq minutsinik tallimanik ingerlareersorlu Østrig siuarpoq, Sydkorealu unikaallakkumanani time-outertariaqalerluni.

Sydkorea ilungersoraluartoq unamminerup immikkoortuani siullermi Østrig qularnaatsumik siuaqqavoq, unamminerullu immikkoortua siulleq naammassimmat Østrig siuaqqavoq 16-12-imik.

Unamminerup immikkoortuata aappaani Østrig aamma isertitseqqaartuuvoq siuaqqaninilu annertusalerlugu. Sydkorealli assammik arsartuisa sukkassusertik atorluarlugu minutsialuit iluinnaanni Østrig angujartupallappaat, 18-18-imillu naligiilerlutik.

Unamminerup immikkoortuata aappaa Sydkoreap aamma Østrigip tamarmik ajugaaniarfigilluarpaat.

Unamminermi ajugaasussaaq sikuntit kingulliit atorlugit paasineqarpoq, Østrig strafferluni arsamik isertitsimmat, unamminerlu naammassimmat 30-29-mik Østrig ajugaavoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER