Kalaallit AWG-mi peqataanerannut Air Greenland pingaarnertut aningaasaliisuussaaq
Kalaallit timersortartut Arctic Winter Gamesimut aappaagu peqataalerpata Air Greenland pingaarnertut aningaasaliisuussaaq
- Nuannaarutigeqaarput Whitehorse-imi AWG-mi Kalaallit Nunaata peqataanissaanut atatillugu Air Greenland pingaarnertut aningaasaliisussatut nalunaarutigisinnaagatsigu.
Air Greenlandip pingaarnertut aningaasaliisuunissaa qulakkeerneqareersoq GIF-imi siulersuisuni siulittaasup tullia Finn Meinel tusagassiutinut nalunaarummi oqarpoq. Arctic Winter Games Issittumi timersornermik piorsarsimassutsimillu tunngaveqartumik pisartut annersaasa ilagivaat, ingerlanneqartarporlu ukiut allortarlugit.
- Air Greenland-imi Kalaallit Nunaanni timersornerup ineriartortinneqarnerani peqataasartutut pingaaruteqarluinnartuuvoq, tassa suleqataallunilu akisussaaffimmik peqataasarmat, soorlu taaneqartutut pingaarnertut aningaasaliisarnermigut, tamatumami timersornikkut piorsarsimassutsikkullu nunatta sumiiffiillu allat paarlaasseqatigiissinnaanerannut periarfissittarpaa, Kalaallit Nunaanni Timersoqatigiit Kattuffianni siulersuisuni siulittaasup tullerisaa oqarpoq.
Arfineq-marlussaa Air Greenland timersornermik tapersersuinini ersersillugu Kalaallit Nunaata 2020-imi Arctic Winter Games-imi peqataanissaa pingaarnertut aningaasaliisuuffigaa. Tamanna 2020-imi martsip qaammataani Canadami Whitehoise-imi Yukon-imiittumi ingerlanneqassaaq.