Kalaallit assammik arsarnermi Mexicomiunut ajugaapput

Assammik arsarnermi nunanut allanut unammisartut nunarsuarmipissartanngorniunnissamut anngunniunnerminni sapaatiummat unamminerminni siullermi Mexicomutajugaapput, tassani Mexicomiut målinik arfinilinnik ajugaaffigingamikkit.

Amerikap avannarlermiuisa Caribiamiullu pissartanngorniunniunneranni kalaallit arnartaat
unamminnerminni siullermi pingaarutilimmik ajugaapput..

Arnat nunanut allanut unammisartut sapaatiummat pingaarutilimmik marlunnik pointinnapput. Tassami Mexicomut unamminerminni 33-27-mik ajugaapput, unammersuaarnerlu nunarsuarmi pissartanngorniunnissamut anngunniunneruvoq.

Unammilluartut

Unammisut muminneranni kalaallit 17-12-mik siuaqqapput. Kalaallit saassussineri
atorluarneqartarput, måliniittuusoq Rina Møller Lorentzen pingaarutilinnik arlaleriarluni
annaassisarluni.

Kalaallit arnartaat unamminerup immikkoortuisa aappaani unammilluarnertik
attatiinnarpaat, Mexicomiut qanillivallaartippallaarnagit.

Ullumi unammeqqissapput

Nunanut allanut unammisartut ajugaangamik, nunarsuarmi pissartarnngorniunnissamtu decembarimi Spaniami ingerlanneqartussamut anngussinnaanertik qanillattorpaat.

Assammik arsarluni nunanut allanut unammisartut ullumi USA-mut unammeqqissapput.
Taakku unammeqqaaramik Puerto Ricomut 20-28-mik ajorsarput ippassaq sapaatiummat.

Unamminerat nalunaaqutaq, Kalaallit Nunaata nalunaaqutaa malillugu, 22.00 aallartissaaq.

Powered by Labrador CMS