Skip to main content

Kalaallit assammik arsallammaat

GOG-mi kalaallit pingasut, Minik Dahl Høegh Akutaaneq Kreutzmannilu sungiusaasorlu Jakob Larsen tallimanngormat unnukkut sæsoni manna kingullermeersumik GOG-mi unammipput

Pokalinnanniunnermi rundit arfinilissaanni ikinngutigiitoqqat Faaborg ØH aamma GOG Faaborgimi Forum-imi unammipput. Isiginnaartut 700-t missaanniipput. Iserneq akeqanngitsoq. Unammisartut tamarmik tunissuteqarfigineqarlutik. Unnuk ataaseq Faaborg qangatut nuannisarpoq, tassa klubbi ukiualunnguit ingerlanerinnaanni Fynsseriamiit 1. division-imi siuttut akornanniilersimagami, HC Fyn peqatigalugu akiliisinnaajunnaarnissami tungaanut taamalu aallaqqaataaniit aallarteqqittariaqarluni. Ilaatigut Jakob Larsen aamma Minik Dahl Høegh Faaborgimi unammisartuusimapput. Klubbi ullumikkut 3. divisionimi unammisarpoq. Faalborgimi qallunaaq målmandi nunanut allanut unammisartuusimasoq 40-nik ukiulik Søren Haagen kakkannerit ilagaat.
Minik Dahl Høegh unammeqataasussaanngikkaluarpoq juunimi Uruguaymi Amerikap Nunavissuani Pissartanngorniunnissamut piareersarluni nunanut allanut unammisartut sungiusaqatigiinnissaannut qasuersaartussaagami, Faaborg ØH-li isiginnaartut nuannareqisaannik 6-2-mik siuarmat Jakob Larsenip Minik Dahl Høegh unammisiinnartariaqalerpaa. Tamanna iluaqutaavoq Søren Haagenilu annaassilluaqattaaraluartoq ilimagineqartut angusaapput. Muminnermi GOG 10-16-imik siuaqqasimalluni qularnaatsumik 24-34-mik ajugaavoq. Faaborg ØH akiuulluaqaaq, Søren Haagenillu Minik Dahl Høeghip Akutaaneq Kreutzmannillu isertitseriagarpassuisa ilaat annaateqattaarpai. Piffinni arlalinni nunanut allanut unammisartoqatigiit GOG-p assersuisuini assersueqatigiittarput. Nunanut allanut unammisartut suliassarsuannut isumallunarnartumik.

Qasusuissuseq attatiinnarneqassaaq
Sæsonimi ilimagineqarnerpaat suulluunniit qaangerneqarsimapput. Ilaatigut Final Four-imi peqataallutik. Danmarkimi pissartanngorniunnermi slutspillimi peqataallutik, iluatsitsinnginneq målilu ataasiinnaq pissutigiinnarlugit GOG semifinalimut anngutinngitsoorpoq, holdilu maanna sapaatit akunnerini marlunni uninngagallassaaq. GOG-lli unammisartui kalaallit pinnagit, taakkua Danmarkimi ataaserlu Nuummi sungiusaqatagiittassammata Sydamerikamut aallannginnerminni.
– Sapaatip akunneranut sisamariarluni-tallimariarluni arpangaatsiartarlutalu nukkassangaatsiartassaagut. Qujanartumik annetuumik sungiusarneq sungiusimavarput tamannalu ajornartorsiutaanavianngilaq. Uanga nammineq Nuummukarnissara qilanaarisorujussuuvara, Akutaaneq Kreutzmann Sermitsiaq.AG-mut oqarpoq.
Nuummi sungiusaqatigiinneq ingerlanneqassaaq maajip 16-anniit 18-iannut.

 GOG nuannarineqarluartoq
GOG-p angusarissaarluarnerujussua soorunami tusagassiorfinnit arajutsineqarsimanngilaq, soorunamilu soqutiginarpoq holdimi kalaallit pingasut Kalaallit Nunaannik Kalaallit Nunaatalu assammik arsartartuinik nittarsaassilluaqattaartuartarnerat. Fynimi aviisersuup Fyens Stiftstidende-p GOG sæsoni naallugu qanimut malinnaaffigisimavaa. Holdi unammisartullu ataasiakkaat allaaseriuartarlugit. Aamma radio-kut tv-kullu apersorneqartuartarlutik, pingaartumillu Jakob Larsen GOG pillugu apersorneqartarsimavoq. Nunanut allanut unammisartut Fynimi Otterupimi juunip 6-anni katersuuppata Fyens Stiftstidende takkutissamaarpoq, imaassinnaavorlu aviisip Kalaalllit Nunaata Amerikap Nunavissuani Pissartanngorniunnermi angusartagai allaaserisassagai. Minik Dahl Høeghip Akutaaneq Kreutzmannillu GOG-mi unammisartuunerisa saniatigut Rasmus Larsen fynimi Otterupimi unammisartuuvoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER