Kalaallit arnartaat pissartanngorniunnermi ajorsarput VM-imullu anngutinngitsoorlutik
Assammik arsarnermi nunanut allanut unammisartut Amerikap avannarlermiuisa Caribiamiullu pissartanngorniunneranni Puerto Rico-mut ajugaaniutivinnermi ajorsarput.
Kalaallit arnartaat Puerto Ricolu ajugaaniutivinnermi unammineranni ajugaasut nunarsuarmi pissartanngorniunnermut annguttussaapput, taakku ippassaq unnukkut unammipput.
Unamminermi kalaallit arnartaat 24-34-mik ajorsarput, taamaasillutik VM-imut anngutinngitsoorlutik. Puerto Rico ajugaareernermi kingorna tassa VM-imut, Spaniami decembarimi ingerlanneqartussami, annguttuupput.
Målinik arfineq pingasunik kinguaqqasut
Unamminermi kalaallit aallartilluanngitsoorput. Saassussinerni kukkusaqattaarnerit pissutigalugit isertitsiniarnissartik ajornartorsiutigaat, Lykke Frank Hansenilu Puerto Ricop illersuisuinit paarilluarneqarluni. Unammisut minutsini 20-ni unammereerneranni Puerto Rico 11-3-mik siuaqqavoq. Muminnermi 18-10-mik siuaqqasut.
Unamminerup immikkoortuisa aappaani Puerto Rico siuarujussuaqqipput, 26-11- siuaqqalerlutik. Kalaallit unamminermi aallartinnerlunnertik unamminermi anigunngilaat, unamminermilu tassa 24-34-mik ajorsarlutik. Kalaallini Ivaana Holm unamminermi isertitsinersaavoq arfineq marloraarluni.
Pingasut toqqakkanut ilaasut
Unammersuaarnermi Kalaallit Nunaat sølvinnattuupput, Puerto Rico nunarsuarmi pissartanngorniunnermut annguttuullutik.
Mexico bronzinnanniunnermi USA-mut 28-14-mik ajugaapput.
Unammersuaarnerup naammassineqarnerani unammersuaarnermi arsarluarnerpaanik toqqaasoqarpoq, tassani kalaallit unammisartut pingasut toqqarneqarput.
Toqqakkat:
- Måliniittoq: Sophie Fasold (USA)
- Venstrefløj: Zuleika Fuentes (Puerto Rico)
- Venstreback: Lykke Frank Hansen (Grønland)
- Playmaker: Nathalys Ceballos (Puerto Rico)
- Højreback: Josephine Gadgaard (Grønland)
- Højrefløj Jailene Maldonado (Puerto Rico)
- Streg: Ivaana Holm (Grønland)
- MVP: Sheila Hiraldo (Puerto Rico)