Skip to main content

Kalaallit arnartaat ajugaaqqittut

Kalaallit arnartaat Panamerikami pissartanngorniunnissamut anngunniunnerminni sisamassaat sisamanngormat unammigamik 22 - 19-mik ajugaaqqipput

Kalaallit Nunaat Martiniquemut 22 - 19-mik ajugaavoq unnamminerup immikkoortuani siullermi 11 - 10-mik siuttooriarluni.

Taama tusarluarnartumik Grønlands Håndbold Forbundi tusagassiuutinut nalunaaruteqarpoq.

- Unammineq pisariaqanngitsumik nalingiiffiuneruvoq, uagummi tamakkiisumik unamminermut anngunneq ajuleratta teknikkikkut kukkuluttuutit amerlavallaarmata. Ajornartorsiutigiuaannarpagut akeqqat bane tamaat atorlugu assersuisartut, aatsaallu unamminerup immikkoortuata aappaani målinik marlunnik pingasunilluunniit pisariaqartitatsinnik siuarpugut, taakkua unamminerup sinneranut ingerlatiinnarpagut, nunanut allanut unammisartut sungiusaasuata ikiortaa, Johannes Groth oqarpoq.

Taannalu ima nangippoq:

- Qujanartumik illersuinerput unamminerup annersaani ingerlalluarpoq, taamaalilluta ullormi qasuersaarfissami tallimanngornermi pisariaqarteqisatsinni qasuersaartinnata ajugaaqqippugut.

Atuaruk: Kalaallit sekundi kingulleq atorlugu ajugaapput

Cuba arfininngorpat naapissavaat
Kalaallit Nunaat Cubamut arfininngornermi nalunaaqutaq 13.00-imiit (Kitaata nalunaaqutaa malillugu 15.00-imiit) unammissaaq.

Cuba Nunarpullu taakkupput holdit anngunniunnermi ajugaaffigineqarsimanngitsut, kisianni Cuba ajugaasussatut naatsorsuutigineqarpoq, unamminerimmi tamaasa ingerlatatik ajugaaffigilluartarsimammatigit.

- Kalaallit Nunaat Cubamut pointinnassappat, imaluunniit Puerto Rico Mexicomit pointimik tigusissappat, taava Kalaallit Nunaat sapaammi ajugaaniutivinnermi ilaasinnaavoq. Kisianni Kalaallit Nunaat qanorluunniit arfininngornermi pisoqaraluarpat pinngitsoorani 3.-nngorniunnermut ilaanissani qulakkeereerpaa, håndholdforbundermiut taama ilisimatitsipput.

Atuaruk: Kalaallit pointinnaqqittut

Danmarkimi VM-imut aqqut 
Anngunniunnerit ataasinngornermiit sapaat ilanngullugu ingerlanneqassapput. Cuba aammattaaq nunat angusarinnerit sisamat Panamerikami pissartanngorniunnissamut ingerlaqqissapput.

Pissartanngorniunnerit Cubap illoqarfiani Havanami maajip 21-anit 28-anut ingerlanneqassapput.

Panamerikami pissartanngorniunnermi, Pamamerikanske Mesterskabimik taaneqartartumi, angusarinnerit sisamat VM-imut Danmarkimi decembarimi pisussamut ingerlaqqissapput. 

Unamminermi angusat, inissiffiit unamminerillu imaqarnialiaat uani takukkit panamhandball.org

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER