namminersulivinneq
Kalaallit aningaasaat qanoq ateqassava?
Kalaallit aningaasaat, qallunaat koruuniat, euro imaluunniit dollarit. Kalaallit Nunaat namminersortunngorpat aningaasaq sorleq atuutissava?
- Qujanaq, 113 koruunit aamma 50 oorinik akiliissaatit. Pisiniarfinni ullumikkut niuerniartoqaraangat taama nipeqartarpoq. Kisianni siunissami tamanna allanngorsinnaavoq. Tassami Kalaallit Nunaata naalagaaffeqatigiinneq qimappagu, aningaasaq sorleq aningaasivimmiittalissanersoq aalajangerneqassaaq.
Tunngaviusumik inatsisiliornissamut isumalioqatigiissitamut nalunaarusiami atuarneqarsinnaavoq, taanna Naalakkersuisut Siulittaasoqarfianit suliarineqarpoq. Isumalioqatigiissitap immikkut ittumik Danmark koruunimut tunngatillugu aaqqiissummik isumaqatigiissuteqarfigineqassanersoq, imaluunniit aningaasat allat nunamut eqqqunneqassanersut isumaliutiginissaanut suliakkerneqarpoq.
- Imaassinnaavoq EU-mi eurosoq, Canadap dollaria imaluunniit Amerikamiut dollariat. Aningaasamut nukittunerusumut akuliunnissaq piumasaqaataassaaq, kisianni kalaallit namminneq aningaasaannik pilersitsinissaat aamma pilersinneqarsinnaasoq naalagaaffinnik immikkut ilisimasallit siunnersuuteqarput.
Kalaallit aningaasaannik pilersitsisoqassappat, aningaasamut atermik nutaamik nassaaratoqartariaqassaaq.
Sermitsiaq.AG-mi atuartartut kalaallit aningaasaannut siunnersuutissaqarunik oqaaseqartarfimmi siunnersuuteqarnissamut tikilluaqqusaapput.