Kalaallit angerlarsimaffeqanngitsut Borgenimi juullisiortinneqarniartut

IA-p kalaallit angerlarsimaffeqanngitsut Christiansborgimi juullisiornissamut qaaqquai. Qimmit aamma tikilluaqqusaapput.

Københavnimi taassumalu eqqaani kalaallit angerlarsimaffeqanngitsut pingasunngorpat unnukkut aqqusinermi, unnuisarfinni arlaataluunniit sofaani oqimaatsumik ulluinnaqartarnertik qimalaarsinnaavaat.

IA Folketingimi kalaallinik angerlarsimaffeqanngitsunik allatullu inuuniarnikkut ajornartorsiuteqartunik juullisiulaarnissamut qaaqqusivoq, tassani mamartuik sassaallertoqassaaq.

Taamatut aqqissuussinermi tunngaviusoq nuannerpallaanngitsoq tassaavoq, Danmarkimi kalaallit angerlarsimaffeqanngitsut ukiuni kingullerni amerliartupiloorsimanerat, tassa ukiut marluinnaat ingerlaneranni 33 procentimik amerleriarsimagamik. Inuit 800-t silaannarmi juullisioriaannaapput.

Københavnimi unnuisarfiit orniguttarfiillu tamarmik qaaqqusissummik allaffigineqarsimapput, kikkulluunniit nalunaaquttap ualikkut arfernup arfineq-pingasullu akornanni tikilluaqqusaapput - aamma qimmiminnik nassarsinnaapput.

Powered by Labrador CMS