Skip to main content

Kalaallit akissarsitinneqarnissamut innersuunneqartut

Nunat avannarliit siunnersuisooqatigiivisa Stockholmimi akissarsititsinissaanni kalaallit arlaqartut innersuunneqarput. Akissarsititsisoqassaaq oktobarip 29-ani

Kalaallit Nunaannit arlallit nersornaaserneqarnissaminnut innersuunneqarsimapput. 

Juaaka Lyberth atuakkiortut nersornaasiuttagaannut nersornaasigassatut inassutigineqarsimavoq, kiisalu Kathrine Rosing meeqqanut inuusuttuaqqanullu atuakkiortunut nersornaasiuttakkamut nersornaasigassatut inassutigineqarsimalluni Nina Spore Kreutzmannilu. 

Kalaallit Nunaannit suliniut Saligaatsoq-Avatangiiserik tassaavoq Pinngortitamut Avatangiisinullu akissarsinissamut innersuunneqartut 13-it akornaanniittuuvoq. 

Ukiumoortumik Nordisk Rådip akissarsititsisarneranut ullut ikiliartuaarput, pingasunngornermilu ulloq 29. oktober Stadshusimi Stockholmimiittumi takutitsinissami tupinnartumik siunnersuutigineqarsimasut sorliit akissarsisitsinernik 'Pinngortitamut avatangiisiniullu akissarsiaq', 'Atuakkiortunut akissarsiaq', 'Meeqqat inuusuttuaqqallu atuakkiaannut akissarsiaq', 'Filminut akissarsiaq' aamma 'Nipilersornermut akissarsiaq' angerlaatissaneraat.
 
Kalaallit Nunaannit suliniut Saligaatsoq-Avatangiiserik tassaavoq Pinngortitamut Avatangiisinullu akissarsinissamut innersuunneqartut 13-it akornaanniittu. Saligaatsoq-Avatangiiserik aalajangersimasunik suleqatigiissunik arlalinnik imaqarpoq taakkualu tamarmik avatangiisinik qaammaasaqarnissaq, attanneqarsinnaassuseq aamma pinngortitaq eqqiluitsoq qitiutippaat.

- Taakkua iluini ilaatigut ilaapput suliffeqarfiit ukiumoortumik saliititsisarnerat, Kalaallit Nunaanni Namminersorlutik Oqartussat eqqaaviit atornissaat pillugu paasisitsiniutaat Qujanaq, suliffeqarfiit arfineq marluk avatangiisinik aqutsinermik suleqatigiissutaat aamma allaffinnut nivinngagassanik nukissiorneq avatangiisillu pillugu siunnersuutinik suliaqarneq, allattoqarfimmi aqutsisoq Lotte Frank Kirkegaard CSR Greenlandimeersoq oqarpoq, taassuma aqutsisoqatigiit ataqatigiissaareqatigalugit Saligaatsoq-Avatangiiserimmi suliniutit assigiinngitsut ataqatigiissartarpaat.

Lyberth, Rosing aamma Kreutzmann
Juaaka Lyberthip atuakkiani ’Naleqqusseruttortut’ innersuunneqaatigaa kiisalu Kathrine Rosing meeqqanut inuusuttuaqqanullu atuakkiortunut nersornaasiuttakkamut nersornaasigassatut inassutigineqarsimalluni Nina Spore Kreutzmannilu 'Nasaq teqqialik piginnaanilik' pillugu meeqqanut inuusuttuaqqanullu atuakkiortunut nersornaasiuttakkamut nersornaasigassatut inassutigineqarsimalluni.

Akissarsititsineq svenskit tv-eqarfiannit toqqaannartumik aallakaatinneqassaaq. 

Ajugaasut tamarmik 350.000 koruuninik akissarsitinneqassapput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER