prisuddeling
Kalaallit akissarsinngillat
Nunat avannarliit siunnersuisooqatigiivisa Stockholmimi akissarsititsinissaanni kalaallit akissarsitinneqarnissamut innersuunneqaraluarlutik akissarsinngitsoorput
Juaaka Lyberth atuakkiortut nersornaasiuttagaannut nersornaasigassatut inassutigineqarsimasoq, Kathrine Rosing aamma Nina Spore Kreutzmann meeqqanut inuusuttuaqqanullu atuakkiortunut nersornaasiuttakkamut nersornaasigassatut inassutigineqarsimapput. Soorlu aamma Kalaallit Nunaanni suliniut 'Saligaatsoq-Avatangiiserik' Pinngortitamut Avatangiisinullu akissarsinissamut innersuunneqartut 13-it akornaanniikkaluartoq.
Atuaruk: Kalaallit akissarsitinneqarnissamut innersuunneqartut
Norgemiu atuakkiortoq Håkon Øvreås ilusilersuisartorlu Øyvind Torseter Nunat avannarliit siunnersuisooqatigiivisa meeqqanut inuusuttuaqqanullu atuakkiortunut nersornaasiuttagaannik nersornaaserneqatoq, Finlandimiu atuakkiortoq Kjell Westö atuakkiortunut nersornaasiuttakkamik nersornaaserneqarpoq.
Taakkua saniatigut Reykjavikkip Kommunia avatangiisinut suliniutini pillugit nersornaaserneqarpoq.
Nersornaaserneqartut tamarmik 350.000 koruuninik akissarsisinneqarput.
Atuaruk: Rosing Kreutzmannilu nersornaasigassatut piukkunneqarlutik toqqagaasut
Atuaruk: Saligaatsoq nersornaaserneqarnissamut innersuunneqartoq