Skip to main content

Kalaallit Airports: Mittarfiit sanaartorneqarnissaat kinguaattooqqippoq

Kingusinnerpaamik aqagu 25. januar, Ilulissani Nuummilu mittarfissuit sanaartorneqarnissaannut suliariumannittussarsiuussineq aallartittussaagaluarpoq, taamaattorli Kalaallit Airports naatsorsuutiginnippoq piffissaligaanngitsumik utaqqissunneqassasoq, pissutsit pingaarutillit Namminersorlutik Oqartussat aammalu Naalagaaffiup suli inissingimmatigit.

Tamanna Kalaallit Airports-imi pisortaanerup Steffen Ulrich-Lyngep aviisimut Sermitsiamut ilisimatitsissutigaa.

Qularnaatsumik erseqqissuliorsinnaannginnermut pissutsit marluk matumani immikkut tikkuarneqarput, tassalu naalagaaffiup piginneqataanissaa aammalu naalagaaffik qularnaveeqqusiisoralugu taarsigassarsisoqarnissaanut tunngatillugu piumasaqaatit inississorneqarnissaat aammalu Nuummi mittarfiup tallineqarnissaanut tunngatillugu avatangiisinut sunniutaasussat (VVM) pillugit nutaamik naliliisoqarneranut tunngatillugu suliassat kinguaattooqqinnerannut matumani pissutaapput:

- Massakkoqqissaaq oqaatigisinnaanngilarput Ilulissani Nuummilu mittarfissat suliariumannittussarsiuunneqarnissaat qaqugu aallartissinnaajumaarnerlutigu, taamaattorli uagut (KAIR, aaqq.) aammalu Kommuneqarfik Sermersooq avatangiisinut sunniutaasussat pillugit tusarniaanermi attuumassuteqartutut pinngortitamut, avatangiisinut ilisimatusarnermullu naalakkersuisoqarfimmit tallimanngormat nassinneqarpugut, piffissaqartariaqarpugullu tusarniaataasumut qisuariarnissatsinnut. Taava naalakkersuisoqarfiup tusarniaanermi akissutivut tigusimalereerunigit, Naalakkersuisunut saqqummiussassamik piareersaqqaassapput, taannalu Naalakkersuisut isummersorfigissavaat aalajangiillutillu. Piffissap imaalinerani naluarput suliap inernissaa suujumaarnersoq, taamaammallu sulinissatsinnut toqqammavissagut suli ersarissinngillat, Steffen Ulrich-Lynge nassuiaavoq.

Allaaserisaq tamaat aviisimi Sermitsiami atuaruk. Uani ataani linki aqqutigalugu aviisimut isissutissarsisinnaalereerputit:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER