Kalaallit Airports: Kinamiut sanaartugassanik suliarinnittartut ernumassutissaanngillat

Danskit politikerii kinamiunut sanaartugassanik suliarinnittartunut aarlerisaaruteqarnerminni akulerussuussipput

Johannus Egholm Hansen

Danskit politikerii arlallit kinamiut sanaartugassanik suliaqartartuinut China Communications Construction Companymut (CCCC) mittarfinnik nutaanik pingasunik sanaartornissamut suliarinnittussarsiornermi unammeqataasut aarlerisaarutiginikuuaat.

Socialdemoktietimi, Dansk Folkepartimi aamma Venstremi politikerit ernumanertik oqaatiginikuuaat, tassani Kinap aningaasaqarneranut pisariaqartitsinermik pilersitsisoqarsinnaanerarlugu. Kisianni pisoq paatsoorluinnarsimavaat, Kalaallit Airportsimi siulittaasoq, Jóhannus Egholm, taama isumaqarpoq. CCCC mittarfiliortiternissamut peqataaginnarpoq, taakku aningaasaliisussaanngillat.

Sermitsiaq taama allaaserisaqarpoq.

Siulersuisunut siulittaasup illumik sanaartornermut assersuutigaa, tamatuma kingorna qarmaasoq aningaasanik taarsigassaqarfigineqarneq ajorpoq, aningaaserivik taarsigassaqarfigineqartarmat.

– Kikkulluunniit entreprenøriugaluarpata atatsimoorluta aningaasatigut siunnersorterput Danske Bank peqatigalugu Europami, Amerikami Asiamilu taarsigassarsinissamut niuerfik misissussavarput neqeruummik pitsaanerpaamik ujaasilluta. Tassani Kinamiut taarsigassarsisarfiit ilaasinnaapput, tamannali entreprenørinut attuumassuteqanngilaq, Jóhannus Egholm Hansen oqarpoq.

Una suliaq pillugu aamma mittarfiliortiternermi suliniut pillugu Sermitsiami saqqummertumi paasisaqarnerusinnaavutit:

Powered by Labrador CMS