Skip to main content

Kalaallit Airports qaartiterinissamut pilersaarumminik saqqummiussisoq

Nummi timmisartoqarfissap nutaap pilersinneqarnissaanut atatillugu qanoq qaartiterisoqartigissanersoq aamma qaqqap suatungaani qaartitsisoqartassanersoq pillugit pilersaarut tamanut saqqummiunneqarpoq

Munck Gruppen pingasunngormat qaartitseqqaarpoq, aamma ASN-mut akuersissut naapertorlugu qaartiterinissat qaammatinut pingasunut atuuttussatut pilersaarusiorneqartassapput. Pilersaarut Kalaallit Airports nittartagaani maanna takuneqarsinnaavoq.

Takuneqarsinnaavoq aallaqqaammut qaartitassat minnerusut 1.000 – 5.000 m3-isut annertussuseqartut qaartinneqartassasut, piffissallu ingerlanerani qaartitassat 20.000 m3 -mit annertunerit qaartinneqartassallutik.

Kujataata tungaanit aallartinnissaq

Qaartiterinerit mittarfiup kujataata tungaanit aamma mittarfiup tungaanut aqqusernup illuata tungaanit, mittarfiliornermi sulisussarpassuit najugaqarfissaaniittumi aallartinneqassapput.

Kalaallit Airportsimit siusinnerusukkut nalunaarutigineqarsimavoq, pingasunngornikkut sapaatillu ullaavani nalunaaquttap akunnerini marlunni taamaallaat qaartiterisoqartassasoq. Pilersaarut taanna allanngortinneqarsimavoq, tassani pissutaalluni Munck Gruppen Nuummi tamakkiisumik qaartiterinissaminik ukkataqarusunnerusimanera, aatsaallu ukiut marluk qaangiunneranni Ilulissani aallartikkusussimanera. Taamaammat sapaatip akunnerani ullut tamaasa ullaakkut arfineq-marluniit unnukkut qulit tungaanut qaartiterisoqartassaaq.

Qaqqami qillerinerit

Ingerlatseqatigiiffik ilisimatitsivoq, qaqqami qillerinerit nipiliornermut killissarititaasut naapertorlugit ulloq unnuarlu ingerlanneqartassasut.

Meeqqanut Ilaqutariinnullu Ataatsimiititaq: Nuumi innuttaasunik ataatsimiisitsineq
Kommuneqarfik Sermersuumi Meeqqanut Ilaqutariinnullu Ataatsimiititaq Nuummi innuttaasunik ataatsimiititsissaaq, marlunngorneq 18. novembari 2019.
Paamiuni timersortartoq sulerusussuseqarluartoq isumassarsialillu timersortarfimmi pisortanngorpoq
Kim J. Jensen Paamiuni novembarip aallaqqaataani timersortarfimmi pisortanngorpoq, suliniutillu siulliit aallartinneqareerput.
Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

Seneste Ugeavis

SENESTE NUUK - NYHEDER