Kalaallit Airports pisortaaneruttoq
Kalaallit Airports Holdings A/S-ip pisortaanera Steffen Ulrich-Lynge soraarsitaasimangunarpoq
Ullup ataatsip ingerlanera pisortaanermik pissarsisoqarnissaata tungaanut aningaasaqarnermut pisortaaneq Peter Wistoft , pisortaanertut atorfinitsinneqarallarpoq.
- Siulersuisunit nalerusuutigineqarpoq, Peter Wistoft mittarfeqarfiit pilersaarusiornerinut ilisimannilluartoq, pisortaanertut atorfinitsitaagallartutut suliassamik tigusinissaminut akuersisimanera, siulersuisuni siulittaasoq Johannus Egholm Hansen tusagassiutinut nalunaarummi allappoq.
Naatsumik nersualaarinninneq
Siulersuisut siulittaasuata Ulrich-Lynge soraarnera pillugu naatsumik ima oqaaseqarpoq:
”... Steffen Ulrich-Lyngelu qutsavigalugu mittarfeqarfiit pilersaarusiornerisa piviusunngortinniarnerinut pimoorussisimaneranut”.
- Nuummi Ilulissanilu mittarfeqarfinnut sanaartugassat neqeroorutaasa piareersarneri ulluinnarni Peter Wistoftimit allanngortinneqanngitsumik suli aqunneqassapput, tassunga atatillugu siulersuisut suliamut peqataatinneqassapput, pisortaanermik atorfinitsitsinissap tungaanut, tusagassiutinut nalunaarummi allassiamavoq.
Steffen Ulrich-Lynge mittarfeqarfiit pilersaarutaasa neqeroorusiornissaasa piareersarnerisa ingerlanneri
pingaarnertut akisussaaffigisimagai ingerlatseqatigiiffiup paasissutissiaraa, ilassutigalugulu pisortaanermik allamik pissarsiorneq maanna aallartereersimasoq.
Sulisut amerlanerit
Taamatut tassanngaannartumik allannguineq, ingerlatsiviup ineriartuleruttornerani pivoq, sulisullu marloriaataat sinnerlugit amerlineqalerlutik.
Qanittukkut saqqummersinneqarpoq, ASN-imik sulinerup kinguarsaataanera pissutigalugu, mittarfiliortitsernissaq kinguaattooruteqarfiulersoq.