Skip to main content

Kalaallit Airports nutaanermik pisortaanertaassaaq

Pisortaaneq, Peter Wistoft, nammineq kissaateqarnermigut, Danmarkimi nutaanik unammilligassarsiorniarluni, Kalaallit Airports Holding A/S-imi, aammalu ingerlatseqatigiiffinni immikkoortortaasuni Kalaallit Airports International A/S-imi aamma Kalaallit Airports Domestic A/S-imi atorfimminit soraarniuteqarpoq.

Soraarniuteqarneq 30. september 2020 aallarnerfigalugu atuutilissaaq,  Opsigelsen har virkning fra 30. september 2020, mittarfinnik ingerlatseqatigiiffik tallimanngornermi tusagassiorfinnut nalunaaruteqarnermi ilisimatitsivoq.

- Annertuumik piginnaasaqartumik aallaqqaataaniilli mittarfiliassanut suliassani peqataasimasumik, aammalu suliassat siumut ingerlatinnissaannut annertoorujussuarmik suliniuteqarsimasumik annaasaqarnissaq siulersuisut ajuusaarutigaat, kisianni Peter Wistoft-ip aalajangiinera tusaatissatut tigullugu, oqarpoq siulersuisuni siulittaasoq Johannus Egholm Hansen, peqatigisaanik Peter Wistoft ingerlatseqatigiiffimmi suliaqarsimaneranut qutsavigalugu. 

Nuummi, Ilulissani Qaqortumilu mittarfissat nutaat sanaartorneqarnerannik aammalu ingerlatsinerup piareersarneqarneranut suliaqarnermut siuttuusussamik pisortaaninngortussamik sulisussarsiornissamut suliap ingerlanissaa ingerlatseqatigiiffimmi siulersuisut ingerlaannaq aallartippaat. 

Pisortaaninngortussap sulilernissaata tungaanut pisortaq Aviaaja Karlshøj Knudsen, ulluinnarni aqutsinermut akisussaasuussaaq, taamatullu siulersuisunut siulittaasoq aamma siulittaasup tullia, Christian Berg, suliassat annertunerusut suliarineqartussanngortut ilaannik suliaqarnermi pisortaatitanut ikiuutissaaq.

Neqeroortitsinissat uku maannakkorpiaq piareersarneqarput:

mittarfissani pingasuni tamaginni mittarfiit illutassaat,

mittarfimmi teknikkikkut atortussat,

annaassiniarnermut atortussat il. il..

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER